Lara Izagirre Garizurieta zuzendari zornotzarrak iragan urriaren 4an, ostiralean, abiatu zituen El Regalo film labur berriaren filmaketa lanak. Gariza Films produkzio-etxea buru duen proiektu honek AMUGE Euskadiko emakume ijitoen elkartearen babesa du, eta baita Eusko Jaurlaritzaren eta ICCAren laguntzak ere.
20.000 especies de abejas opera primarekin zinema-jaialdietan izandako nazioarteko proiekzioa aitortuko dio euskal komunikazio taldeak zinemagile laudioarrari. Gehienez hiru film zuzendu dituzten Hego Euskal Herrian jaio edo errotutako sortzaileak izango dira urtero banatuko duten sariaren hartzaileak.
Etxe Betea egitasmoak sustatutako Gela bat norberarena egonaldi artistikoaren laugarren deialdiak 117 proposamen jaso ditu, 2022an baino sei gehiago, ia hogei herrialdetatik etorritako 22 eta 58 urte bitarteko emakumeek aurkezturikoak. Irailaren 23an iragarriko dira aukeratutako bi parte-hartzaileak.
Araba, Bizkaia eta Gizpuzkoako estreinaldirik onena izan da, asteburuan. Apirilaren 21az geroztik, espainiar lurraldeko 100 areto baino gehiagotan erakutsi dute Estibaliz Urresolaren opera prima, eta laugarren film ikusiena bilakatu da gaur gaurkoz.
Apirilaren 26tik 29ra bitartean egingo dute 2023ko ekitaldia, Baionako L’Atalante zinegelan, eta euskal zinemagintzari eskainitako foku berezia hartuko du beste behin, emakumezko sortzaileen lanak nabarmenduz.
Gidoiaren idazketan, proiektuaren ekoizpenean edota haren iraunkortasunean aholkularitza eta proiektuak saltzeko dokumentuak egiteko laguntza eta mentoretza-saioak eskainiko dizkiete deialdian hautatutako sei proiektuei.
Estibaliz Urresola zinemagile arabarrak 61. Semaine de la Critique sailean erakutsiko du Cuerdas, bere bosgarren film laburra. 75. Cannesko Zinema Jaialdiaren baitan ospatuko duten frantziar zinemaldiko sail paraleloan lehiatuko da, maiatzaren 18tik 26ra.
Berlinaleko Co-Production Market 2022 merkatuan proiektua erakustetik iritsi berritan, Estibaliz Urresola zinemagileak 20.000 especies de abejas filmean parte hartzeko 6 eta 14 urte bitarteko haurrak galdegin ditu udan Laudion egingo duten filmaketan parte har dezaten.
Zazpi emakumek osatutako sorkuntza-tailerra garatuko dute Lara Izagirre zinema zuzendari zornotzarrak eta Gariza Film ekoiztetxeak Bilbon. Bertan parte hartu ahal izateko deialdia zabalik da, otsailaren 24ra bitartean.
Polvo somos (2020), Ya no duermo (2020) eta Nora (2021) filmen emanaldi berezi batekin ospatuko du Gariza Films ekoiztetxeak bere hamargarren urteurrena. Saioak Bilboko Golem zinema aretoan izango dira, eta ostean festa giroan elkartuko dira Viadefuga kafetegian. Bertaratu nahi dutenek asistentzia baieztatu beharko dute.
