42. Euskal Zine Bilera, hastear
Aurreko urteko edizio berritzailearen ondoren, aurtengoan bere zutabeak sendotzen jarraituko du Lekeitioko Euskal Zine Bilerak. 42. edizioa ospatuko du aurten, azaroaren 23tik 30era bitartean.
Dinamikoagoa, erakargarriagoa… Hemen da Ganbara berritua!
Euskaraz ikusgai dauden filmen gordailua da Ganbara, 2016ko udazkenean aurkeztu genuen eta Zinea proiektuaren azpiatala ere baden datu-basea, eta gaur bertan, martxoaren 11n, azal eta bilatzaile berriak estreinatu ditu. Nabarmendutako edukiak, bitxikeriak eta fitxa berrienak erakutsiko ditu lehen orrian, eta bilaketa zehatzagoak egin ahal izango dira.
Aukeztu dute 41.Euskal Zine Bilera
Urriaren 6tik 12ra bitartean, larunbatetik ostiralera alegia, ospatuko da Euskal Zine Bileraren 41.edizioa, euskara hutsean egiten den Hego Euskal Herriko zinema jaialdi bakarra. Orain arteko edizio indartsuenetarikoa iragarri dute, eta ikus-entzunezkoen arlo ezberdinak lantzen dituzten profesionalak izango dira protagonista nagusiak.
Euskal Zine Bilerak boluntario programa bat ireki du
Urtez urte, Euskal Zine Bilerak euskarazko ikus-entzunezkoenganako apustu sendoa egiten jarraitzen du, hala, aurten, jaialdia aurrera atera dadin boluntario programa bat martxan jarri du zinemagile, aditu, ikasle, profesional eta, oro har, zinemazaleen bileran sortuko diren koordinazio lanetan esku hartzeko.
Sortzaileak.eus atariaren 1.0 bertsioa aurkeztu du Gotzon Barandiaranek
Antzerkian, arte plastikoetan, bertsolaritzan, dantzan, ikus-entzunezkoetan, literaturan eta musikan diharduten sortzaileak biltzen dituen Sortzaileak.eus ataria garatu du Gotzon Barandiaranek Berria Fundazioak 2016an emandako Berria bekaren bidez, eta atzo, otsailak 1, aurkeztu zuen proiektuaren 1.0 bertsioa Andoaingo Martin Ugalde Kultur Parkean.
Ez da kasualitatea, euskal zinemak badu kalitatea
“Diskurtso berriak, eztabaida puntu ezezagunak ekarri izanak ematen dio balioa gure zinemagintzari”. Iratxe Fresneda kazetari, ikerlari, irakasle eta zinegilearen adierazpena izan zen euskal zinemagintzaren egoera, ezaugarriak eta lorpenak pixkanaka harilkatzeko abiapuntua, eta ondorengo ordu eta erdian, dozena bat gogoeta eta ikuspegi partekatu zituzten Santi Leoné, Angel Aldarondo, Amaia Serrulla, Zigor Etxebeste eta Fresnedak berak.
Mondragon Unibertsitatean izan gara Zinea eta Ganbara aurkezten
Joan zen ostiralean EHUren Gizarte eta Komunikazio Zientzien Fakultatean egindako aurkezpenaren ostean, gaur, martxoak 13, Mondragon Unibertsitateko Humanitate eta Hezkuntza Zientzien Fakultatean (HUHEZI), Aretxabaletako campusean, izan gara, Ikus-entzunezko Komunikazioko bigarren, hirugarren eta laugarren mailako ikasleei Zinea eta Ganbara proiektuak azaltzen.
Zinea eta Ganbara egitasmoak EHUn aurkeztu ditugu
Kazetaritza eta Ikus-entzunezko Komunikazioa euskaraz ikasten ari diren 3. mailako ikasleek Zinea hedabidea eta Ganbara datu-basea ezagutzeko eta proiektuen inguruko zalantzak argitzeko tartea izan dute gaur, martxoak 10, Euskal Herriko Unibertsitatearen Leioako Campuseko Gizarte eta Komunikazio Zientzien Fakultateko auditorioan egin dugun aurkezpenean.
Ganbara gordailua, Hamaika Telebistaren ‘Arte kale’ saioan
Maialen Goñi, Ganbara proiektuaren lantaldeko kideak, Hamaika Telebistako Arte Kale saioan, euskarazko zinemaren gordailua zer den azaldu du, baita helburuak eta etorkizuneko erronkak zein diren ere. Jonebati Zabalak egindako elkarrizketa Hamaika Telebistaren webgunean dago ikusgai.
Ganbara gordailua, ETB1eko ‘Ahoz aho’ saioan
Ritxi Lizartza, Ganbara proiektuaren arduraduna, ETB1eko Ahoz aho saioan izan zen atzo, azaroak 3, proiektuaren nondik norakoak, helburuak eta etorkizuneko erronkak azaltzeko. Ilazki Serranok egindako elkarrizketa ikus dezakezue 32. minututik aurrera EiTB Nahieran.
