Oparitu zinema, HZ Laguna Txartelarekin
Hernani Zineklubak 2024ko urtarriletik ekainera bitarteko saioetan erabilgarri izango den lagun-txartela sortu du. 12 euroko kostua izango du eta abenduaren 11tik aurrera egongo da salgai.
Golem aretoek prezio bereziak izango dituzte goizeko saioetan
Bilboko Golem Alhondiga eta Iruñeako Golem La Morea aretoek prezio bereziak iragarri dituzte Gabon garaiko goizeko emanaldietarako. Ohiko zinema eskaintzaz gozatzeko aukera egongo da abenduaren 23tik urtarrilaren 9ra bitartean.
Filmen bilduma zabala, ETBren Zinema Euskaraz katalogoan
Euskarazko filmen bilduma zabala gordetzen du ETBren webguneak, genero orotariko filmak, etxeko guztientzat aproposak. Jatorrizko bertsioan edota euskarara bikoiztutako lanak dira, doan ikusi daitezke, eta fitxa tekniko bat dute eskura.
Marrazki bizidunen tailerra eskainiko du aurten Zinegabonak egitasmoak
Familiartean zinemaz gozatzeko aukera luzatuko dute aurten ere Zineuskadik, EiTBk eta EZAEk. Izan ere, Zinegabonak egitasmoa bueltan da, eta abenduaren 26tik 29ra bitartean Euskal Herriko zinema aretoetan haur zein gurasoentzako filmak eta tailerrak eskainiko dituzte.
‘Bestelako argiak’ ikuskizuna, egunotan Iruñean
Aurten bigarrenez egingo dute Bestelako argiak ikuskizuna, eta hamar egunez, hamazazpi artistaren sorkuntzak Iruñeko hainbat eraikin eta kaletan proiektatuko dituzte. Abenduaren 21ean hasi zituzten emanaldiak, eta urtarrilaren 4ra arte jarraituko dute, 18:30etik 21:30era. Horrez gain, arte lantegiak eta bideo-mapping ikuskizun bat ere egingo dituzte.
100 zinema-bono jarri ditu salgai Tabakalerak
Ba al da zinema oparitzea baino gauza hoberik? Halaxe pentsatu dute Tabakalerako eta Euskadiko Filmategiko lagunek, eta hamar film ikusteko 20 euroko 100 zinema-bono jarriko dituzte salgai Gabonetan. Promozio berezi eta mugatua izango da, eta urtarrilaren 1etik abuztuaren 31ra kontsumitu ahal izango da, ostegunetik igandera eskainiko dituzten emanaldietan.
‘Pixi Post eta opari-emaileak’ animazio filma abenduaren 23an helduko da zinemetara
Gabonetarako mezu argi batekin estreinatuko dute animazio film berria: “Gora dibertsitatea!”. Pixi Post eta opari-emaileak familia osoari zuzendutako lana da, nahiz eta bereziki umeentzat izan. Pixi Post da filmaren protagonista, neska elfo bat. Duela mende asko, Gabonetako Jeinuen Biltzarrak Monopolish izeneko jeinu gaiztoa kaleratu zuen, eta orain, urte hauetan guztietan prestatu duen mendekuarekin itzuliko da. Bere plana jeinu guztiak Gabonetako iragarki bihurtzea izango da. Baina
