Babesik Gabe zinema zikloa egingo dute urtarrilean Montehermoson
Gasteizko Montehermoso Kulturuneak eta Garapenean Laguntzeko Zerbitzuak Giza eskubideak eta sorkuntza artistikoa deialdia kaleratzen dute urtero, Gasteizko Udalarekin harreman zuzena duten herrietan, giza eskubideen alorrean, bizi duten egoeraren inguruko hausnarketak sustatzeko, azterketa kritikoaren bidez. Deialdi berrian Babesik Gabe proiektua hautatu dute, eta horren bidez, urtarrilean zehar errefuxiatuen egoera aztergai duten filmen zikloa eskainiko dute kulturunean.