Iragan urriaren 30etik, Donostiako Fantasiazko eta Beldurrezko Zinemaren Asteari lotutako ikus-entzunezko saioak eta orotariko jarduerak egiten ari dira Gipuzkoako hiriburuan ostiralera arte, eta horiekin batera, genero horretako ilustrazio, komiki eta txotxongiloak biltzen dituzten lau erakusketa atondu dituzte hainbat artista eta erakunderekin.
Fantasiazko eta Beldurrezko Zinema Astearen osagarri den ‘Fanzineen Gerra’ ekimen arrakastasuan sorturiko aleak online konsultatzeko aukera ahalbidetu dute jaialdiaren antolatzaileek. Horror festibalaren webguneak bilduko ditu guztiak.
Tabakalerako Ubik Sorkuntza Liburutegiko Autoedizio Txokoarekin eta FNACekin elkarlanean, Fantasiazko eta Beldurrezko Zinemaren 27. Asteak Fanzineen Gerra izeneko lehiaketa antolatuko du berriro. Gehienez ere hamar taldek hartuko dute parte, eta urriaren 29tik azaroaren 4ra osatu beharko dute fanzinea, ondoren, ikusleek sariduna nor den hautatu dezaten.
Bilboko Institut Françaisek, BilbaoArtek eta FNACek Frantzian urtero egin ohi den Dokumentalaren Hilea gurera ekarriko dute azaroan. Hain zuzen, ziklo horren baitan aurkeztuko diren zortzi lan eskainiko dituzte gaurtik aurrera BilbaoArten.
