Pablo Larrain, Kelly Reichardt edota Bertrand Bonelloren filmek osatuko dute, besteak beste, FAS Zineklubak azarorako atondu duen egitaraua. Urteroko ohiturari jarraituz, ZINEBI jaialdi bilbotarreko film bat emango dute, eta Federico Fellini zuzendari italiarra omenduko dute. Film luzeen aurretik film laburrak ere proiektatuko dituzte.
Zuzendaria: Kelly Reichardt Urtea: 2019 Herrialdea: AEB -Mito fundatzaileen atzealde gizatiarra- Zelai idor amaigabeak, zaldunen esetsaldiak, tiro hotsak, biziraupenaren bortizkeria, uniformedun soldadu zintzoak versus lumadun gerlari basatiak… Westernek irmotasunez iltzatu izan dituzte aurreko topiko guztiak geure iruditegian, historiaren interpretazio hegemonikoen islatzat. Alabaina, bada garaia irudiok birpentsatzen hasteko eta, xede horri begira, zinemak badu onartu beharreko ardura. Nork zaintzen du cowboy mitikoen etxea? Nork josten
Mía y Moi Ama galdu ondoren, Mia eta Moi familiarena den etxe zahar batean bilatuko dute babesa, zelaian, ezerezaren erdian. Haiekin, Biel, Moiren mutil-laguna. Hirurak batera, atseden hartu eta zauriak sendatzen ahaleginduko dira. Familiako oroitzapenak berreskuratzeko egunak dira, mingarriak batzuk; elkar ezagutzeko egunak, presarik gabe bizitzeko egunak. Mikelen etorrerak, Miaren mutil-lagunak, elkarbizitza aldatuko du eta etxeko biztanle bakoitza modu ezberdinean asaldatuko du. Tentsioa handituz joango
