ICOFF – Gasteizko Film Laburren Jaialdiaren laugarren edizioko deialdira filma aurkezteko azken egunak dira honakoak. 2024tik aurrera ekoitzitako filmak aurkez daitezke, martxoaren 31 baino lehen.
ZINEGOAK – Bilboko LGTBIQ+ Zinema eta Arte Eszenikoen Nazioarteko Jaialdiak, 2025eko ekainaren 23tik 30era ospatuko den XXII. edizioan parte hartzeko deialdia zabaldu berri du. Zinema sortzaileek, ekoizleek edota banatzaileek, 2025eko martxoaren 10a baino lehen aurkeztu ahalko dira lanak.
Irailaren 19, 20 eta 21ean, Iruñean ospatuko da NIFF – Nafarroako Nazioarteko Zinemaldiaren seigarren edizioa, eta dagoeneko lanak bidaltzeko epea ireki dute antolatzaileek. Maiatzaren 15era arte luzatuko da deialdia.
Errenteriako Zinema Dokumentalaren eta Giza Eskubideen Zinemaldiak zabaldu egin du filmen deialdia. Azaroaren 20tik 26ra bitartean ospatuko dute ekimenaren bigarren edizioa.
Santurzine – Santurtziko Zinema Jaialdiak hamaikagarren ediziorako izen-emate epea zabaldu berri du. Urriaren 5etik 21era bitartean ospatuko da aurten, eta, berritasun gisa, Andolín Eguzkitza izeneko saria banatuko diote euskarazko lanik onenari.
Donostia Zinemaldiaren 71.edizioan parte hartu nahi duten filmek, zabalik dute jada lehen hautaketarako onlineko izen-ematea. Programazioa osatzen duten sail guztietara zuzendutako deialdia da, WIP Latam, WIP Europa eta NEST atalak salbu.
Zabalik da apirilaren 21etik 28ra arte ospatuko den Giza Eskubideen 20. Zinemaldian film laburrak eta film luzeak inskribatzeko epealdia. Urtarrilaren 8an ezarri dute proiektuak aurkezteko epe-muga.
Apirilaren 22tik 30ra egingo dute 2020ko Giza Eskubideen XIV. Zinemaldia, Donostiako Udaleko Giza Eskubideen Atalak eta Donostia Kulturak antolatua. Hori baino lehenago, lehiaketan parte hartuko duten film luze eta laburren aukeraketa egingo dute, eta urtarrilaren 6ra arte izango dute epea egileek beren filmak inskribatzeko.
