Iaz baino apur bat euskaldunagoa izango da 2024ko zinemaldia. Kursaal 1 aretoan programatutako Sail Ofizialeko film guztiak Donostia Zinemaldiko hiru hizkuntza ofizialetan -euskaraz, gaztelaniaz eta ingelesez- gozatu ahalko dira, eta baita beste hainbat saileko film ugari ere bai.
Ekainaren 24tik uztailaren 1era ospatuko da ZINEGOAK – Bilboko LGTBIQ+ Nazioarteko Zinema eta Arte Eszenikoen Jaialdia, kultura, zinema eta sexu aniztasunaren ikur. 50 proiekzio eta jarduera hartuko ditu egitarauak.
Apirilaren 26an iritsiko da MAKUSI, haur eta gaztetxoentzako euskarazko unibertso digital berria. Haurrentzako euskarazko lehen plataforma digitalak adinaren arabera sailkatutako euskarazko marrazki bizidunak, telesailak, filmak… eskainiko ditu, www.makusi.eus webgunean, doan.
Euskarazko azpitituludun zinema sustatzea helburu duen Filmazpit programak bere katalogoa zabaldu du hiru obra berrirekin. For Sama (2019) dokumentala, Gaza Mon Amour (2020) eta Cocoon (2020) eskuragarri daude jada, irabazi-asmorik gabeko proiekzioak egiteko.
Donostiako Giza Eskubideen Zinemaldian izena emateko epea datorren astelehenera, urtarrilaren 8ra, bitartean izango da zabalik. Film luzeen izen-ematea Movibeta plataformaren bidez eta film laburrak Shortfilmdepot tresnaren bidez aurkez daitezke, soilik.
BBK Mendi Film Bilbao Bizkaia zinemaldiaren 16. edizioan 57 pelikula proiektatuko dira, 3 erakusketa eskainiko dira, 4 hitzaldi, WOP Mendi Film saria emango zaio Edurne Pasabani, IAMF Sari Nagusia jaso duen Eliza Kubarskaren K2 Touching the sky (2015) programatu da, Yhabril argazkilariak klase magistrala eskainik du, eta mendiko zinemaren industriaren inguruko jardunaldi bat burutuko da. Honela dator 16. Mendi Film!
Donostiako Giza Eskubideen Zinemaldian izena emateko epea azaroaren 13tik urtarrilaren 8ra bitartean egongo da zabalik. Halaber, aurkeztu dute 2024ko apirilaren 12tik 19ra ospatuko den 21. edizioko irudia.
Mariano Cohn eta Gaston Dupraten Nada telesailaren mundu-estreinaldiak emango dio hasiera Culinary Zinema sailari, eta Tran Anh Hungen La passion de Dodin Bouffant lanak, aldiz, amaiera. Hiru film luze eta telesail bat ariko dira lehian Culinary Zinema Film Onenaren Saria eskuratzeko.
Guztira hemeretzi film luzez osatuta egongo da Made in Spain, Donostia Zinemaldiko sail ez-lehiazkoa, urteko film espainiarren hautaketa bat biltzen duena. Horien artean bost mundu-estreinaldi gisa emango dira; gainerakoak, ordea, aurretik nazioarteko beste zinema-jaialdi batzuetatik igarotakoak ala estreinatu berriak dira.
Donostia Zinemaldiak sail guztietako filmak zein jaialdian hautatuak izan ez diren Espainiako eta Latinoamerikako proiektuak biltzen dituen Bideoteka zerbitzura lanak aurkezteko epea zabaldu du. Izen-ematea irailaren 18ra arte izango da zabalik.
