Hamar urte iraun dituen ekoizpen prozesu luze baten ostean, Elkano, lehen mundu bira filmak uztailean ikusiko du argia, orduan helduko baita euskaraz Euskal Herriko zein Espainiar estatuko areto komertzialetara, eta hortik aurrera, Txina, Errusia eta herrialde arabiarretara ere.
Dantza (2018), Telmo Esnal zinegile zarauztarraren hirugarren film luzea, Argentinako eta AEBko 10 hiritan ikusi ahal izango da apirila eta maiatzean zehar, Txintxua Films ekoiztetxeak eta Etxepare Euskal Institutuaren arteko lankidetzari esker.
Bi dira filmak jatorrizko bertsioan eta euskarazko azpidatziekin eskaintzen dituen Filmazpit programara batu dituzten lan berriak: batetik, Céline Sciamma zuzendariak 2011n aurkeztu zuen Tomboy, eta bestetik, Sean Baker zinegilearen The Florida Project. Aurrerantzean, interesa duen ororen eskura izango dira, nork bere etxean ikusi edota emanaldi publiko batean programatzeko.
Fikziozko edo animaziozko film luzeak zein sorkuntzako dokumentalak sustatu eta promozioan laguntzeko deialdia iragarri du Zineuskadi elkarteak. Maiatzaren 3ra arte luzatuko da eskaera epea, eta 2018an EAEko areto komertzialetan estreinatutako filmak izango dira onuradunak.
Euskal zinemak Katalunian zabalduko duen erakusleihoa izango da Zinemaldia.cat jaialdia beste urte batez. Martxoaren 14tik 17ra egingo dute, eta berriki estreinatu diren edota oraindik ikusi gabeak diren puntako euskal lanen lagin erakargarria erakutsiko dute.
Eskola eremura zabalduko dituzte beste urte batez Giza Eskubideen Zinemaldiak sustatzen dituen eztabaidak. Hala, 17.edizioa izango denean landuko diren gaiak jorratzeko aukera izango dute Donostiako ikasleek, haientzat propio egokitutako hiru filmen bitartez.
Zine Kontari, euskaraz idatzi eta egindako zinemagintzari eskainitako laugarren erakustaldia iragarri du Euskal Herriko Gidoigileen Elkarte Profesionalak. Abenduaren 10etik 14ra luzatuko da zikloa, eta Campos Eliseos Antzokiaren Kupula aretoan egingo dituzte emanaldiak.
Ziren (2017) film laburrak lortutako arrakastaren ostean (besteak beste, Euskarazko film laburrik onenaren saria Caostika jaialdian eta Euskal film labur onenarena Bilboko FANT Zinemaldi Fantastikoan) Aitzol Saratxaga zine zuzendari gazteak bere bigarren ekoizpena prest du jada: Basoan (2018). Lanaren estreinaldia oraindik zehaztu gabe badago ere, zuzendariak adierazi du filma espainiar estatuko zine jaialdietan mugitzen hasi berri direla.
Duela aste batzuk, eta eguneroko ohitura errepikatuz, Netflix ireki nuen. Han zegoen, estreinaldi mainstream eta plataforma berak ekoiztutako telesail eta filmeen alboan, Handia. Eta egia esan, une arras garrantzitsua iruditu zitzaidan. Balio sinboliko handiduna, bizi dugun ikus-entzunezko errealitate berriaren eta bilakaera transmediatikoaren metafora argia.
Abenduaren 15ean bukatu zen 2018ko Laburbira Euskarazko film laburren zirkuituan parte hartzeko epea, eta kaleratu dituzte jada otsailaren 28tik martxoaren 28ra XV. edizioan eskainiko dituzten zortzi filmen izenak. 77 minutuko emanaldiak egingo dituzte Euskal Herriko hainbat herritan.
