Fred Dekker gidoilari eta zinema zuzendari estatubatuarrak jasoko du Bilboko Zinemaldi Fantastikoaren 25.edizioko bigarren ohorezko saria. Jaialdiaren inaugurazio ekitaldian, maiatzaren 3an, banatuko diote Fantastikoaren Izarra.
Inoiz baino bereziagoa izango da 2019ko FANT – Bilboko Zinema Fantastikoaren jaialdia. ‘Ezusteko asko’ eta ekitaldi berezi andana iragarri dituzte antolatzaileek zilarrezko ezteiak ospatuko dituen jaialdiaren edizio berrirako, gutxika, ekitaldia hurbildu ahala, aletzen ari direnak. Berriki jakin dugu, esaterako, J.A. Bayona zuzendariari emango diotela Fantastikoaren Izarra ohorezko saria.
Maiatzaren 4tik 11ra ospatuko den Bilboko Zinemaldi Fantastikoak, mundu osoko berrogeita hamar herrialdetatik etorritako 1.056 film lehiakide jaso ditu 24. edizio honetan. Horrekin batera, Sail Ofizialeko epaimahaia zinean espezializatutako Janire Zurbano kazetariak, Joanes Urkixo idazle eta gidoilariak eta Koldo Almandoz zinegile donostiarrak osatuko dutela aurreratu du antolakuntzak.
