FANT Bilboko Zinemaldi Fantastikoaren 28. edizioaren atarian, jaialdiari lotutako emanaldi berezien eta estreinaldien PREFANT zikloaren bigarren emanaldia egingo dute martxoaren 10ean, hirian. James Ashcroft zinemagilearen Coming Home in the Dark (2021) thrillerraren aurrestreinaldiaren txanda izango da.
FANT Bilboko Zinemaldi Fantastikoaren 28. edizioaren atarian, jaialdiari lotutako emanaldi berezien eta estreinaldien PREFANT zikloari ekingo diote bihar (otsailak 17), hirian. Raúl Cerezo eta Fernando González Gómez zinemagile espainiarrek zuzendutako La pasajera (2021) beldurrezko filmaren aurrestreinaldiarekin zabalduko dute aurtengo egitaraua.
Bilboko Udalak antolatutako FANT Zinemaldi Fantastikoak ohiko datetara itzuli nahi du 2021ean, eta edizio berria maiatzaren 7tik 14ra egingo dutela iragarri dute, 2020ko ekitaldia igaro berritan. Horrekin batera, lanak aurkezteko epea zabaldu dute otsailaren 21era arte, FestHome plataforma digitalaren bidez.
Azaroaren 7an, larunbatean, abiatuko dute modu ofizialean FANT – Bilboko Zinemaldi Fantastikoa, baina gaur, ostirala, bere programazioaren aurrerapen bat eskainiko du, 10 euskal film labur proiektatuz. Azkuna Zentroan egingo dute emanaldia, 19:0etatik aurrera.
Aire libreko zinema saioak eskainiko ditu Bilboko Udalak, Udan zinema zure auzoan ekimenaren baitan. Uztailaren 16tik abuztuaren 13a bitarte, film laburrak zein luzeak hartuko dituzten zortzi saio desberdinez gozatzeko aukera izango dute Bizkaiko hiriburuan.
Maiatzaren 2tik 11ra bitartean ospatuko dute FANT – Bilboko Zinemaldi Fantastikoaren 25.edizioa. Urteurrenaren berezitasunagatik, ekitaldi osagarri ugariz hornituko dute jaialdia, tartean maiatzera bitarte iragarri dituzten generoko lanen estreinaldia bereziak.
