EZAE – Euskadiko Zinema Aretoen Elkarteak azaldu duenez, tokiko aretoek 10 miloiko diru galerak izan dituzte 2020ean. 2019 urteko datuekin alderatuta, 3,2 milioi ikusle gutxiago joan dira zinemara, % 66ko beherakada suposatuz.
EZAE Euskadiko Zinema Aretoen Elkarteak aditzera eman duenez, 2019ko epe berarekin alderatuta, Euskadiko zinema aretoek 2,6 milioi ikusle eta 10 milioi euro galdu dituzte Covid19-aren pandemiaren eraginez. Sektorea une oso kritikoak bizitzen ari dela azpimarratu dute, nahiz eta zinema aretoak leku seguruak direla frogatu den.
Zineuskadiren lankidetzaz, 255.000 euroko aurrekontua izango duen diru-laguntzen programa bat abiarazi zuen abuztuan Eusko Jaurlaritzak: ITXITIK: 7 begirada, 7 erretratu, konfinamendu bakarra. Konfinamenduari buruzko zazpi film laburren ekoizpena babestea izango du helburu, eta aditzera eman dituzte jada proiektu hautatuak.
Jon Garaño, Aitor Arregi eta Joxe Mari Goenagak zuzendutako La trinchera infinita (2019) filmak jaso zuen atzo VI. EZAE Saria. Donostia Zinemaldiaren baitan, Kursaal jauregiko prentsa-aretoan, ospatu dute zinema-aretoen eginkizuna aldarrikapen bilakatu zuen sari-banaketa ekitaldia.
Konfinamendu gogorraren ostean, zinema-aretoen jarduna berraktibatzea helburu duen ‘Zinema pantaila handian’ kanpaina abiarazi du EZAEk. Aurkeztu dituzten pizgarrietako bat izango da internet bidezko erosketak deskontu bitartez sustatzea.
EZAEk zabaldutako datuen arabera, % 200an hazi da elkartearen bazkideek kudeatutako zinema-aretoetara joandako ikusle kopurua. Uztailaren 29tik abuztuaren 2ra bitarteko epean erregistratu dute igoera, Padre no hay más que uno 2 (2020) estreinaldiarekin batera.
EZAE – Euskadiko Zinema Aretoen Elkartearen kide diren Bilboko Golem eta Multicines 7 aretoek beraien jarduna berreskuratu dute hiru hilabetez ateak itxita izan ostean. ‘Zinema pantaila handian’ izeneko kanpainaren babespean, gainera, sarrerak Internet bidez erosi edo txartelarekin ordaintzen dituzten ikus-entzuleek euro bateko deskontua izango dute.
Hego Euskal Herriko zinema aretoak maiatzaren 25ean irekitzea aurreikusi zuen Espainiako Gobernuak, izan ere, Pedro Sanchez presidenteak konfinamendua pixkanaka-pixkanaka leuntzeko plangintza iragarri zuenean ezagutu genuen albistea. Ikus-entzuleen segurtasuna bermatzeko asmoz, baina, irekiera ekainaren 26an gauzatuko dutela esan du Donostiako zinema aretoak ustiatzeaz arduratzen den SADE taldeak. EZAEko bazkide diren gainerako aretoek ekainaren 1ean irekitzea aztertzen ari dira.
EZAE Euskadiko Zinema Aretoen Elkarteak Espainiako Gobernu zentralak aurreikusitako zinema aretoen berrirekitze planak ziurgabetasuna dakarrela salatu du. Maiatzaren bukaeran irekitzea “goizegi” dela deritzo, “zinemagintza-sektorearen errealitatearekin bat ez datorrela”.
Familiartean zinemaz gozatzeko aukera luzatuko dute aurten ere Zineuskadik, EiTBk eta EZAEk. Izan ere, Zinegabonak egitasmoa bueltan da, eta abenduaren 26tik 29ra bitartean Euskal Herriko zinema aretoetan haur zein gurasoentzako filmak eta tailerrak eskainiko dituzte.
