Espainiako Ministroen Kontseiluak hala erabakita, aurrerantzean musukoaren erabilera ez da derrigorrezkoa izango Hego Euskal Herriko zinema aretoetan. Aste Santua hasi baino lehen eman zuten asmoen berri, eta atzo onartu zuten gaur bertan indarrean jarri duten dekretua. Ipar Euskal Herrian, aldiz, martxoaren 14az geroztik dago bertan behera musukoaren nahitaezko erabilera zinema aretoetan.
EZAE Euskadiko zinema-aretoen elkarteak salatu du Eusko Jaurlaritzak Covid19aren pandemia hasi zenetik ezarri dituen murrizketek ez dutela sektorea suspertzen lagundu. Crónica Vasca atariari adierazi bezala, 6 milioi ikus-entzule galdu dituzte azken bi urteetan. 2021ean jarrita zuen EZAEK esperantza, baina susperraldirik ez da izan. Oraindik ere gure artean den pandemia hasi zenetik 5,9 milioi ikus-entzule galdu dituztela ohartarazi du elkarteak, 35,2 milioi euro zinema-sarreretan. Latza izaten
‘Bidaiariak, zinera!’ kanpainaren seigarren edizioari ekingo diote gaur bertan. EZAE elkarteak Zineuskadirekin sinatutako lankidetza-hitzarmenaren ondorioa da, eta euskal eta europar zinemaren kontsumoa sustatu eta ikusleak zinema-aretoetara erakartzea du helburu.
Zinema-emanaldietan jateko debeku “ulertezin” eta “kaltegarriaren” aurkako helegitea aurkeztuko zuela iragarri zuen EZAE-Euskadiko zinema-aretoen elkarteak orain aste batzuk. FECE – Espainiako Zinemen Federazioaren babesaz eskatu dituzte presazko neurriak, eta horiek betetzea ukatu du EAEko Justizia Auzitegi Nagusiak.
Zinema-emanaldietan jateko debeku “ulertezin” eta “kaltegarriaren” aurkako helegitea aurkeztuko duela iragarri du EZAE-Euskadiko zinema-aretoen elkarteak. Horrekin batera, “murrizketa hori” kentzeko galdegin diote Eusko Jaurlaritzari.
Ikusle berriak zinema aretoetara erakartzeko helburua duen Zinemazale Berriak programaren saio berri bat egingo dute igandean, hilaren 3an. Oin handiren semea (Jeremy Degruson eta Ben Stassen, 2017) animaziozko filma izango da ikusgai, gehiengoan EZAEren baitakoak diren 18 euskal aretotan.
Euskadiko zine pribatuak eta kudeaketa pribatukoak bateratzen dituen EZAE Elkarteak bilera-txanda abiatuko du Eusko Jaurlaritzako talde guztiekin. Euskal Autonomia Erkidegoan abian dauden aparteko neurrien inguruko azalpenak eskatu, eta horrekin batera, bizi duten “egoera larria” eta aurretik duten “etorkizun iluna” aztertu nahi dituzte.
Euskadiko zinema-aretoen elkarteak ohar baten bidez adierazi du ulertezina dela aretoen edukiera % 35arekin mantentzea. Izan ere, pandemian zehar izandako murrizketa handiena da honakoa eta zentzurik ez duela iritzi dute, aretoak espazio seguruak direla frogatu baita.
Gaurtik, uztailak 26, indarrean dira Covid19aren pandemiaren hedatzeari aurre egiteko ostalaritzari eta kultur ekitaldiei lotuta, LABIk ezarritako murrizketa neurri berriak, eta aretoen edukiera % 35era mugatzeak Euskadiko areto ugari ixtera behartuko dituela salatu du EZAE Euskadiko Zinema Aretoen Elkarteak. Horregatik, orain arteko baldintzak mantentzeko eskatu diote Jaurlaritzari.
EZAE Euskadiko Zinema Aretoen Elkarteak, Eusko Jaurlaritzako Kultura eta Hizkuntza Politika Sailaren laguntzarekin, ikusle berriak zinema aretoetara erakartzeko helburua duen Zinemazale Berriak programa jarri dute abian. Maiatzaren 23an hasiko da, eta urtea amaitu bitarte, Zineuskadi Elkartearen Zinema Euskaraz programaren bidez euskaratu dituzten haur eta gazteentzako hamabi film emango dituzte EAEko hemezortzi aretotan.
