Dock of the Bay Musika Dokumentalen Donostiako Jaialdiaren arduradunek atzo, abenduak 27, iragarri zuten ekimenaren hamabigarren edizioaren egitaraua. Hogeitik gora dokumental, hiru musika emanaldi, musikari eta irudiari buruzko mintegi bat eta zuzeneko emanaldiak eskainiko dituen sail berri bat izango ditu, besteak beste, urtarrilaren 7tik 12ra luzatuko den festibalak.