Pantailak Euskaraz mugimendua erakunde eta alderdi politiko, streaming plataforma eta banatzaile-enpresekin harremanetan jarri da euren katalogoan jada euskaratutako edukien bertsioak txertatzeaz gain, aurrerantzean, ekoizpen berriak ere euskarara bikoiztu eta azpidatzi ditzatela eskatuz.
Martxoaren 6an, 19:00etan, BilbaoArte sorkuntza artistikorako guneak Donostia Kulturarekin elkarlanean antolatutako zikloaren lehen euskarazko azpitituludun filma eskainiko dute. Abendura arte luzatuko da, eta hileko lehen astearteetan egingo dituzte emanaldiak.
Eusko Jaurlaritzako Kultura eta Hizkuntza Politika Sailak atzerriko hizkuntzetan ekoitzitako 297 filmen eta 24 telesailen 255 kapituluren azpitituluak jarri ditu eskuragarri. Open Data Euskadi atarian deskargatu daitezke azpitituluak.
Eihartzea Kultur Etxeak eta Ttattola gaztetxeak aurten laugarrenez antolatuko dute Zinegin festibala Hazparnen. Oraindik data zehatzak ez dituzten arren, hiru eguneko jaialdia izango da, eta antolatzaileak euskarazko lanak zein euskarazko azpitituludunak galdegin dituzte egitaraua osatzeko.
