Ozzinema zineklubak eta Orereta Ikastolak antolatuta, Euskaldunon Egunkariaren aurkako eragiketa nola ondu zuten erakusten duen ikus-entzunezkoa eskainiko dute, bihar, otsailaren 22an, 19:00etan, Niessen Kulturuneko zinema aretoan.
Gaur 20 urte, 2003ko otsailaren 20an, Espainiar Estatuko Guardia Zibilak Euskaldunon Egunkaria itxi zuen, indarrez eta gezurrez. Egunero euskaraz argitaratzen zen egunkari bakarra, milaka euskaltzalez osatutako komunitate handi baten babesaz sustatutakoa. Egoitza nagusia Andoaingo Martin Ugalde Kultur Parkean zuen, eta Euskal Herri osora banatzen zen egunero: 70 orrialde argitaratzen zituen, bataz beste; 15.000 aleko salmentak zituen, 44.000 irakurletik gora, paperezko edizioaren osagarri zen webgunea eta beste edozein egunkarik adinako kalitatea.
Martin Ugalde euskal kazetari, idazle eta politikariari buruzko Martin Ugalde: bidea etxe, euskara aberri ikus-entzunezkoa sortu du BERRIA egunkariak. Azaroaren 11z geroztik webgunean dago ikusgai.
Euskaldunon Egunkariaren itxieraren 18. urteurrenaren harira, Samara Veltek eta Josu Martinezek zuzendutako Paperezko hegoak dokumentala estreinatuko dute bihar, otsailaren 16an, ETB1en 22:30ean. Itxiera lehen pertsonan bizi izan zuten protagonisten testigantzak jasotzen ditu elkarrizketa formatuko ikus-entzunezkoak.
Danele Sarriugartek, Kattalin Minerrek, Maddi Altunak eta Maria Maiak Tira ahala tira: generoen trataera Egunkarian eta BERRIAn aurkeztu berri dute, Euskaldunon Egunkariak eta BERRIA komunikabideek genero gaietan izandako eragina ikertzen duen dokumentala. Ikusgai da jada BERRIAren sareetan, zein Martin Ugalde kultur parkearen Vimeo kanalean.
Euskaldunon Goya izeneko ikus-entzunezko erreportajea osatu dute Lara Madinabeitia eta Urtzi Urkizu Berriako kazetariek, Euskaldunon Egunkariaren bultzatzailea eta euskarazko animazioaren aitzindarietako bat izan zen Luis Goya lezotarraren heriotzaren hamargarren urteurrenaren harira. Bihar, irailak 29, Errenteriako Mikelazulon izango da ikusgai lana, 20:00etan.
Euskara hutsezko Euskaldunon Egunkaria sortu zela 25 urte bete ziren iaz, abenduaren 6an, eta urteurrena aprobetxatuta, egunkariaren sorrerari buruzko dokumentala osatu zuen Hamaika Telebistak, Eriz Zapirainen zuzendaritzapean. Durangoko Azokan eskaini zuten orduan, eta larunbatean, maiatzak 28, Bartzelonako DocsBarcelona jaialdian estreinatuko dute.
