Euskarazko zinemagintzaren urteko pieza adierazgarrienen aukeraketa aurkeztu ohi dio Euskal Etxeak udazkenero Berlingo publikoari. Azaroaren 17an, 18an eta 19an egingo dute aurtengo mostra, eta Irati (2022), Karpeta Urdinak (2022) eta Aztarnak (2022) izango dira ikusgai.
Euskal emakume zinemagileen lana aztertu eta zabaltzeko helburuz, Etxepare Euskal Institutuak sustatutako bi ekitaldik bat egingo dute New York hiriko eskaintza kulturalaren baitan. Batetik, CUNY Graduate Center-ek sustatzen duen Bernardo Atxaga Katedraren mintegi programazioa eta, bestetik, NYC Basque Film Festival jaialdiaren edizio berria.
Hemeretzi lanek –15 film luze, film ertain bat, film labur bat eta bi telesail– osatuko dute Donostia Zinemaldiaren 71. edizioko euskal parte-hartzea. Halaber, Paco Sagarzazu aktorearen ibilbide oparoa sarituko du Zinemira Sariak.
Pablo Berger bilbotarraren lehen animaziozko lana -Robot Dreams-, Victor Erice zinemagile beteranoaren itzulera suposatu duen fikzioa -Cerrar los Ojos-, eta Jaione Camborda donostiarraren bigarren film luzea -O Corno- izango dira ikusgai TIFF – Torontoko Nazioarteko Zinema Jaialdiaren 48. Edizioan. Irailaren 7tik 17ra ospatuko dute hitzordua.
Eskuragarri dago jada Etxepare Euskal Institutuaren 2022. urteko memoria-txostena. Urtean zehar abiatutako edo sustatutako proiektu eta egitasmoak bildu dituzte, tartean, zinema eta ikus-entzunezkoak.
Euskal zinemagintzak indar erakustaldi berri bat egingo du egunotan. Krakow Film Festival jaialdiaren abaroan arituko dira hainbat euskal proiektu, ‘Focus on Spain’ sailean parte hartuta edota CEDOC Market azokaren baitan egingo den sormenezko dokumentalen koprodukzio topaketan.
Nantesko Festival du Cinéma Espagnol jaialdiaren baitan hainbat euskal ekoizpen erakutsiko dituzte martxoaren 23tik apirilaren 2ra bitartean. Festibaleko sail ofizialetan lehiatuko diren lanez gain, Etxepare Euskal Institutuaren babespean, Fenêtre Basque atalean Eukal Herrian ekoiztutako film luze eta labur onenak ezagutzeko aukera egongo da. Gainera, Euskadiko Filmategiak bultzatutako eta María Pilar Rodriguez Deustuko Unibertsitateko irakasleak koordinatutako Euskal emakume zinemagileak liburua aurkeztuko dute.
Euskal zinemaren, eta batez ere, euskarazko bikoizketaren figura garrantzitsuenetakoa izan den Jose Luis Rubio ikus-entzunezkoen ekoizlea hil da. Goian bego!
Iazko edizioan Urrezko Hartza irabazi zuen Carla Simonek Alcarràs filmarekin, eta haren lekukoa Nicholas Philibert frantziarraren Sur l'Adamant dokumentalak hartu badu ere, Estibaliz Urresolak gainean izan duen zama ez da txikia izan. Hautagai sendoa izan da 20.000 especies de abejas filma, sail ofizialean lehiatu baita igandean itxi duten 73. Berlinale jaialdian (irakurri Iker Zabalak idatzitako filmaren kritika, hemen). Errealizadore laudioarraren opera prima epaitzeaz Simòn bera
EZAE Euskadiko Zinema Aretoen Elkartearen eta Zineuskadi Elkartearen arteko lankidetzari, eta Eusko Jaurlaritzaren finantzaketari esker, euskal estreinaldiak 79 zinema aretotara iritsiko dira 2023an, bi euroko deskontuarekin. Besteak beste, My way out (Izaskun Arandia), 20.000 especies de abejas (Estibaliz Urresola), A los libros y las mujeres canto (Maria Elorza) eta Tetuán (Iratxe Fresneda) proiektuak babestuko ditu ekimenak.
