Euskal jatorriko Carlos Gabilondo argentinarra Zinema gizona ezizenarekin ezaguna da Argentinako euskal etxeetan. Zinemazaletasuna eta euskal sustraiak uztartzeko bide gisa, euskal filmak, laburrak zein luzeak, eskaini ditu azken 11 urteetan Argentinako hainbat euskal etxetan Euskal Zinema Ibiltaria proiektuaren bidez. Bada, pandemia tarteko, filmak online ikusteko aukera eskaintzen du orain.
“Ikusi gaitzazuen desagertuko gara, entzun gaitzazuen isilduko gara” lelopean, apirilaren 21ean eta 22an interneten kultur edukirik ez partekatzeko deia luzatu dute euskal kulturgintza arloan aritzen diren ehunka eragile eta sortzaileek. 300 atxikimendutik gora bildu dituzte dagoeneko, tartean hainbat zinemagile eta aktoreenak. Pandemiaren eraginez ezarri den herritarren itxialdi egoerak ekarri du, beste hainbat erabakiren artean, kultur programazio guztiak bertan behera uztea. Hala, lehendik kulturgileen, sortzaileen zein
