Udako gauak girotuko ditu Zinema Kanpoan zikloak, Ipar Euskal Herrian
Iparraldeko hainbat herriko plazetan pantailaratuko dituzte azken urteotan arrakastatsu izan diren sei film labur eta bi luze. Saioak iluntzeetan izango dira, aire librean.
‘Bidarrai 2040’ zine tailerra antolatu dute Zukugailuak eta Kanaldudek
Parte hartzaileek dokumental faltsu bat onduko dute, hiru fasetan: idazketa (uztailak 15-19), filmaketa (irail-urria) eta muntaketa (urria). 13 eta 18 urte bitarteko herritarrek eman dezakete izena.
Euskal zinema hedatuko du Ibilki dispositiboak, Iparraldean
Euskal kulturaren aniztasuna eta ikusgarritasuna bermatzeko asmoa duen programaren baitan, azken urteotan euskaraz ekoiztutako film luze eta laburrak erakutsiko dituzte uztailean eta abuztuan. Saioak Ipar Euskal Herriko hainbat herritako plazetan egingo dituzte; sarrera doan da.
‘Bañolet’ filma pantailaratuko dute, gaur, Iparraldea Bertan jaialdian
Saioa Donostiako Koldo Mitxelena Kulturunean izango da, eta Ipar Euskal Herriko kultura aberastasuna Hegoaldeko biztanleriari ezagutaraztea helburu duen 22. Iparraldea Bertan jaialdia agurtuko du. 19:00etan ekingo diote emanaldiari, eta ostean musika ikuskizuna eskainiko dute Paxkal Irigoyen Etxeberri eta Maia Iribarne Olhagarai filmaren zuzendari eta soinu bandaren konposatzaileek.
EHUk Ipar Euskal Herriko zinemagintzaren diagnosia egingo du
Zuberoa, Lapurdi eta Nafarroa Behereko sei elkarterekin lankidetzan, hiru probintzietako zinema eta ikus-entzunezkoen azterketa egingo du NOR ikerketa taldeak. Txostena irailean aurkeztuko dutela aurreikusi dute.
Lur Olaizolaren ‘Zerua blu’ filma emango dute gaur, Ortzaizen
Ortzaizeko Herriko Etxeak eta EKE – Euskal Kultur Erakundeak antolatuta, zinema saio berezia eskainiko dute gaur, Ortzaizeko (Nafarroa Beherea) zinema aretoan. 20:00etan hasita, bertako biztanleen testigantzak biltzen dituen emanaldi egingo dute lehenik, eta Lur Olaizolaren Zerua blu (2020) film laburra proiektatuko dute gero.
Kanalduderen ‘Etorkinen hitza’ web-dokumentala, sarean
Euskal Herrira heldu diren lau etorkinen lekukotasunak bilduko ditu Kanaldudek sarera jaurti berri duen Etorkinen hitza web-dokumentalak. Audrey Hoc zinemagilearen lana da.
‘Handia’ Ipar Euskal Herrian estreinatuko dute urtarrilean
Baionako Atalante zinemak sortutako eta Euskal Kultur Erakundeak babestutako Gabarra Films banaketa etxeak zazpigarren euskal filma zabalduko du Ipar Euskal Herriko eta Frantziako zinema aretoetan, Jon Garañoren eta Aitor Arregiren Handia arrakastatsua. Urtarrilaren 15etik 24ra egingo dute aurrestreinaldi bira.
Ipar Euskal Herriko 3.000 haurrek hartuko dute parte Zineskolan
Euskal Kultur Erakundeak, Uda Leku elkarteak eta Zineuskadik Zineskola izeneko ekimena antolatu dute Atalante zinema gelaren eta Cinévasion egituraren laguntzarekin. Hala, maiatzaren 2tik 21era, haurrentzako bi film euskaraz eskainiko dituzte Ipar Euskal Herriko hamar aretotan.
Orhiko xoriak Orhi laket
Zuzendaria: Elsa Oliarj-Inès Urtea: 2014 Herrialdea: Euskal Herria Joan den martxoaren 30ean, Iparraldea bertan programaren 16. edizioari amaiera emateko, Elsa Oliarj-Inès zinemagile atharraztarraren Haien gaztaroan, iragana agerian filma eskaini zuten Koldo Mitxelena Kulturunean. Aldudarrak eta Zaradoc ekoizpen-etxeen arteko proiektua 2014an errodatu zen. Aurkezten, EKE-ko buru Pantxoa Etxegoin eta Aldudarrak ekoizpen-etxeko Johana Duhalde izan ziren bertan. Ikasketak egitera Parisera joandako Elsa Oliarj-Inès zuzendaria bera Atharratzera bueltatu da
