Euskal Herriko Gidoigileen Elkarte Profesionalarekin elkarlanean, David P. Sañudoren Ane laudatua eskainiko du gaur, ekainak 1, FAS Zineklubak. Emanaldia 19:30ean hasiko da, eta zinemagilea bera bertan izango da, aurkezpena egiteko.
Zine Kontari, euskaraz idatzi eta egindako zinemagintzari eskainitako laugarren erakustaldia iragarri du Euskal Herriko Gidoigileen Elkarte Profesionalak. Abenduaren 10etik 14ra luzatuko da zikloa, eta Campos Eliseos Antzokiaren Kupula aretoan egingo dituzte emanaldiak.
Ekainaren 26an, asteartea, egingo dute Donostiako PIA eraikinean (Zuatzu) Gidoi Inguruaren VII.edizioa. Euskal Herriko Gidoigileen Elkarte profesionala eta IBAIA – Ikus –entzunezko Euskal Ekoizle Burujabeen Elkartearen eskutik, tartetxoa izango dute gidoien sorrerarako laguntza jaso duten proiektuek haiek ekoizteko interesa izan dezaketen ekoizleen aurrean euren lana aurkezteko.
Zine kontari 2017 euskaraz egindako zine zikloaren hirugarren edizioa egingo dute abenduaren 12tik 15era Euskal Herriko Gidoigileen Elkarte Profesionalaren eta SGAE Fundazioaren ekimenez. Lau egunez, hiru film labur eta lau luze eskainiko dituzte Bilboko Campos Eliseos Antzokiko Kupula Aretoan doan, beti ere, toki guztiak bete arte.
Euskal Herriko Gidoigileen Elkarte Profesionalak Euskal Gidoi Onenaren saria banatzen du urtero Donostia Zinemaldiko fikziozko euskal filmen artean, eta aurtengoan, Ximun Fuchsek jaso du aintzatespena, Non filmaren gidoiagatik. Lanaren zuzendaritzaz ere arduratu da, eta aktore lanetan ere aritu da bertan. Euskal zinemagintzaren industriak emandako ongietorria dela esan du, bere lehen filma baita honakoa.
Gidoien idazketarako laguntza jaso duten proiektuak haiek ekoizteko interesa izan dezaketen ekoizleen aurrean aurkezteko, Euskal Herriko Gidoigileen Elkarte Profesionalak eta IBAIA Ikus-entzunezko Euskal Ekoizle Burujabeen elkarteak antolatuta, VI. Gidoi Ingurua saioa egingo dute ekainaren 27an, asteartean, Donostiako PIA eraikinean (Zuatzun).
Martxoaren 29an, asteazkena, ALMA Espainiako Gidoigileen Sindikatuak eta Euskal Herriko Gidoigileen Elkarte Profesionalak gidoigileentzako legeen gaineko jardunaldi informatiboa antolatu dute. Bilboko Campos Eliseos Antzokiko Kupula Aretoan egingo dute saioa, eta gidoigile orok kontratu bat sinatzerakoan aintzat hartu beharreko kontuak aditzera emango dituzte.
Euskara hutsean egindako zinemaren erakusleihoa den ziklo hau, azaroaren 28tik abenduaren 2ra arte luzatuko da, eta emanaldiak Campos Eliseos antzokian dohainik egingo dira. SGAE fundazioak eta Euskal Herriko Gidoigileen Elkarte Profesionalak elkarlanean antolatzen dute ziklo hau, eta, helburua, “euskaraz idatzitako istorioak euskaraz kontatzea” dela esan dute antolatzaileek. Bigarren edizio honetako emanaldiak 19:00etan hasiko dira Campos Eliseos antzokiko Kupula Aretoan; abenduaren 2koa izan ezik, hori
Eusko Jaurlaritzaren gidoien garapenerako laguntzak jaso dituzten proiektuak ekoizleen aurrean aurkezteko foroa da EHGEP Euskal Herriko Gidoigileen Elkarte Profesionalak eta IBAIA Ikus-entzunezko Euskal Ekoizle Burujabeen Elkarteak antolatzen duten Gidoi Ingurua saioa, eta aurtengo edizioa ekainaren 21ean, asteartea, egingo dute Zuatzuko PIA eraikinean, 10:00etatik aurrera.
