Euskarazko zinemagintzaren urteko pieza adierazgarrienen aukeraketa aurkeztu ohi dio Euskal Etxeak udazkenero Berlingo publikoari. Azaroaren 17an, 18an eta 19an egingo dute aurtengo mostra, eta Irati (2022), Karpeta Urdinak (2022) eta Aztarnak (2022) izango dira ikusgai.
Mar de Platako (Argentina) Denak Bat Euskal Etxeak euskal zinemari eskainitako programazio berezia eskaintzen ari da egunotan, eragilea beraren 80.urteurreneko ospakizunen baitan. Amama (Telmo Esnal, 2015) filmaren proiekzioarekin eman zioten hasieran hilaren 16an, eta martxoaren 10era arte luzatuko da.
Frantziar hiriburuko Euskal Etxeak, La Fidèle Production eta Christine Zine Klubarekin elkarlanean, euskal zinemari eskainitako “ziklo handi bat” antolatuko du martxoaren 25 eta 26an.
Berlingo hiria hartuko du euskal zinemak datozen egunetan. Baskisches Filmfestival 2018 euskal zinemaldia ospatuko du hiriko Euskal Etxeak azaroaren 15etik, ostegunetik, hilaren 18ra bitartean.
Limako zinema jaialdiaren 22. ekitaldia abuztuaren 3tik 11ra egingo da, eta bertan, euskal filmak ikusteko aukera egongo da lehen aldiz. Peruko hiriburuko Euskal Etxeak bultzatuta, hiru film proiektatuko dituzte: bi euskal kulturarekin lotura dutenak, eta hirugarrena, Hego Amerikako ekoizpen bat, kolonbiar-venezuelar-argentinarra.
Uztailaren 8tik 16ra luzatuko dira Habanako, Kuba, Euskal Etxearen 140. urteurrena ospatzeko ekitaldiak. Lehen egunean Asier Altunaren Amama filma eskainiko dute, eta ondorengo egunetan beste hiru euskal lan izango dira ikusgai.
