Mirentxu Loyarte eta Iratxe Fresneda zinegileak Berlinen izango dira, Gernika Deutsch-Baskischer Kulturverein Euskal Etxeak gonbidatuta. Bataren zein bestearen lanak proiektatuko dituzte Arsenal Institutuan otsailaren 7an eta 8an.
Ikus-entzunezko bestelako narratibak eta bideoak irudikatzeko modu berriak izango dituzte aztergai, gaur, Bilboko Azkuna Zentroan. 19:00etan abiatuko dute saioa, Bideotik ekimenaren programazioaren barne txertatuta, eta Hiru Begirada izena jasoko du.
Urte berezia dugu 2018a Euskal Zinemagintzarentzat. Euskadiko Filmategiak 40 urte beteko ditu aurten, eta Kimuak egitasmoak 20. Elkarlanean osatutako egitarau oparoa osatu dute hilabete honetan zehar ospatzeko. Antolatu duten egitarauean, ordea, ez dute emakumeek zuzendutako lanik programatu. Honen aurrean, emanaldi alternatibo bat prestatu dute zinema-munduko hainbat emakumek apirilaren 26an.
