Urtea hasi berritan iragarri ditu Europa Creativa Desk MEDIA Euskadi bulegoak Tabakalerarekin lankidetzan prestatu dituen lehen tailerrak. 2023ko lehen seihilekoari dagokion eskaintza duzue honakoa, eta datak hurbildu ahala emango dute inskripziorako prozeduren berri.
Donostia Kulturak 2020-2021 ikasturterako duen prestakuntza-eskaintza aurkeztu du gaur goizean. 356 ikastaro (333 helduentzat eta 23 haur eta gazteentzat) izango dira guztira, Donostiako kultur etxeetan eta Liburutegi Nagusian emango direnak. Ohiko eskaintza orotarikoari eutsi, eta ikus-entzunezko arloan trebatzeko egile-ikastaro bereziak ageri dira zerrendan.
Kultura Plana 19/22 aurkeztu du Eusko Jaurlaritzak, datozen hiru urteetarako konpromisoak jasotzen dituen ildo estrategikoa. Filmen, telesailen eta sareko edukien ekoizpenean nabarmendu dute lehentasuna.
Ba al da zinema oparitzea baino gauza hoberik? Halaxe pentsatu dute Tabakalerako eta Euskadiko Filmategiko lagunek, eta hamar film ikusteko 20 euroko 100 zinema-bono jarriko dituzte salgai Gabonetan. Promozio berezi eta mugatua izango da, eta urtarrilaren 1etik abuztuaren 31ra kontsumitu ahal izango da, ostegunetik igandera eskainiko dituzten emanaldietan.
