Apiriletik irailera bitartean gauzatuko da zinema eskaintza, eta Euskadiko Filmategiak Gasteizen, Bilbon, Donostian, Iruñean eta Donibane Lohitzunen duen egoitzetan ikusi ahalko dira filmak. 72. Donostia Zinemaldiaren baitako zikloa polizia-zinema italiarrari eskainiko diotela ere aurreratu dute.
Ikasturte berriari ekiteko gogoz dira Bilboko FAS Zineklubeko lagunak, eta hiru saio programatu dituzte urrirako. 50eko hamarkadako zinema espaniarrarekin hasiko dira, Luis García Berlangaren eta Juan Antonio Bardemen Esa pareja feliz eskainiko baitute hilaren 5ean, eta emanaldi berean Kepa Sojo zinegile euskaldunaren Cien maneras de hacer el pollo al txilindrón laburra proiektatuko dute.
