Raul de la Fuente nafarrak (Minerita, Another day of life) Los Williams dokumentala errodatu duela jakinarazi du Espainiako Zinemaren Akamediak. Kirolaren arloa eta baita esparru pertsonala eta intimoagoa oinarri hartuta, Iñaki eta Nico Williams anaia futbolariei egindako begirada da.
Katixa Agirre idazlearen Amek ez dute liburua zinemara egokituko du Mar Coll zinemagile kataluniarrak. Gaztelaniazko itzulpena izango du zuzendariak oinarri, eta filmatzen hasiak dira jada.
Aktore lanetan trebatutako Eneko Sasgardoy aktore Durangarrak bere lehen film laburra zuzenduko du 2023an: Betiko Gaua. Nerea Ibarzabalen gidoia eta Sumendi Film, Galapan eta Ikusgarri Films ekoiztetxeen babesa izango ditu proiektuak.
Deserri filmaren errodaje lanak abiatu berri ditu Imanol Gurrutxagak, eta New York hiria izango du lehen bloke honetako eszenatokia. VI. Benito Ansola sariaren irabazle izendatu zuten proiektua maiatzean.
Donostian ekin diote gaur GELDITASUNA EKAITZEAN / LA QUIETUD EN LA TORMENTA Alberto Gastesiren lehen film luzea izango denaren errodajeari. Euskaraz eta gaztelaniaz grabatua, zuri-beltzean eta 4:3 formatuan, filmak 85 minutuko iraupena izango du.
Hilabete amaieran abiatuko dituzte, Argentinan, Jabi Elortegi Gametxok zuzendutako El Vasco filmaren errodaje lanak. Pausoka Entertainment euskal ekoiztetxearen eta Prisma eta Oeste Film argentinarren arteko koprodukzio bat da, eta Joseba Usabiaga eta Itziar Aizpuru aktoreak izango ditu protagonista.
Berak baleki proiektu laburraren grabaketa lanak amaitu berri ditu Aitor Gametxo zinemagile lekeitiarrak. Iñigo Aranburu eta Koldo Olabarri aktoreak izango ditu protagonista, eta Galapan eta Sumendi ekoiztetxeen bigarren elkarlana da.
Ana Murugarren zuzendari nafarra García y García film luzea errodatzen ari da uztailaren 27az geroztik. Blogmedia eta Clarq Film ekoiztetxeen arteko proiektua da, eta Mogambo taldearekin ere ari dira lankidetzan. Filmak RTVE, Amazon Prime Video eta EiTBren babesa dauka, eta 2021ean estreinatzea aurreikusten du zinegileak, A Contracorriente Films banatzailearen eskutik.
Mireia Gabilondo zinegile bergararrak Erlauntza-Enjambre filmaren bi bertsio errodatu ditu egunotan. Izen bereko antzerki obran oinarritzen den pelikula euskaraz zein gaztelaniaz filmatzen aritu da bi astez, Fikako (Bizkaia) landetxe batean.
Igor Legarretak Ilargi guztiak / Todas las lunas pelikularen filmaketa-lanak bukatu ditu. Koronabirusaren krisiaren eraginez, osasun larrialdi egoera ezarri bezain laster lan-taldeak bertan behera utzi zuen errodajea martxoan, eta ekainaren 1ean lana berrartu ahal izan zuten aktore eta teknikoek. Guztira, zazpi astez aritu dira Hego Euskal Herriko zenbait txokotan irudiak hartzen.
