Errenteriako Udalak, Niessen Zinemak eta Ozzinema Zineklubak elkarrekin antolatu dute saio berezia. 19:00etan ekingo diote, eta Silvia Munt zinemagilea, Itziar Ituño aktorea eta Ander Sagardoy zein Ander Barinaga ekoizleak bertan izango dira.
Errenteriako Udaleko Kultura Aniztasunaren, Garapenerako Lankidetzaren eta Giza Eskubideen Sailak sustatuta eta Ozzinemak antolatuta, udalerrian zinemaren alde egiten den apustuaren bilakaera naturalez sortu dute Errenteriako Zinema Dokumentalaren eta Giza Eskubideen Zinemaldia. Azaroaren 21etik 26ra bitartean egingo dute lehen edizioa.
Errenteriako Ozzinema zineklubak hitzordu berezia du gaur. Asteartero bezala, 19:30ean, film bat proiektatuko dute Niessen zinema-aretoetan, Familia de medianoche (Luke Lorentzen, 2018); eta Errenteriako Film Laburren Lehiaketaren baitan, film laburren eta bestelako proposamen zinematografikoen audientziei buruzko hitzaldi bat eskainiko dute.
Errenteriarrek zinemaz gozatzeko hitzordu bereziak izango dituzte abuztuko asteburuetan. Izan ere, gaur bertan hasiko dute herriko hainbat txokotan eskainiko dituen filmen zikloa. Playmobil: The Movie (Lino DiSalvo, 2019) lana proiektatuko dute Koldo Mitxelenako patioan, 22:00etan, eta sarrera doakoa izango da. Abuztuaren 29ra bitartean sei saio finkatu ditu Errenteriako Udalak, guztiak ere, aire librean.
Errenteriarrek zinemaz gozatzeko hitzordu bereziak izango dituzte datozen egunetan. Izan ere, udalak gaur bertan hasi eta abuztuaren 29ra bitartean herriko hainbat txokotan eskainiko dituen filmen berri eman du. Guztira, zortzi saio finkatu dituzte udako zinema zikloa osatzeko, guztiak ere, aire librean.
Giza Eskubideen Nazioarteko Eguna dela-eta, Errenterian jardunaldi bereziak antolatzen dabiltza azaroaz geroztik. Hala, Juanmi Gutierrez zuzendariaren eta giza eskubideen defendatzailearen lanak pantailaratu dituzte, eta gaur, haren omenezko ekintza artistikoa prestatu dute. 19:00etan Niessen gunean batzeko deia zabaldu dute Zazpi T’erdi kolektiboak, Herri Bizia udal komunikabideak, Errenteriako Udalak eta Zintzilik irratiak.
Joan zen azaroan, Koldo Mitxelenaren jaiotzaren mendeurrenaren harira, idazleak 1954-1961 urteen artean Egan aldizkarian kaleratutako filmen kritiketatik abiatutako zinema zikloa antolatu zuten Euskadiko Filmategiak eta Errenteriako Udalak elkarlanean. Urtarril eta otsailean zehar, aldiz, filmok Tabakaleran izango dira ikusgai Mitxelenarenak zikloan. Egan aldizkaria izan zen euskarazko zinema kritikak aldizka argitaratzen zituen lehen berripapera. 1954 eta 1961 bitartean Koldo Mitxelenarena izan zen egiteko hori, baina filmen alderdi
