Irailaren 23an, 24an eta 25ean egingo dituzte Latinoamerikako zinemaren ekoizpena bultzatzeko eta postprodukzio fasean dauden filmak amaitzen laguntzeko Donostia Zinemaldiaren baitako work in progress sailaren topaketa-saioak. 2024ko deialdira proposamenak aurkezteko epea uztailaren 3ra arte izango da zabalik.
Donostia Zinemaldiko Nest sailean izena emateko aukera, ekainaren 3tik aurrera. Uztailaren 3ra arteko epea izango da lanak aurkezteko, ondoko estekan. Eskola bakoitzak gehienez ere hiru film labur aurkeztu ahalko ditu, beti ere, Zinemaldiaren aurreko hamabi hiletan ekoitzi badira, eta epaimahaiak hautatutako lanen artean, 10.000 euroko NEST Saria banatuko dute.
Gizarte-gaiei buruzko film laburrak, Donostia Zinemaldian Kulturarekin duen konpromisoa berresteko asmoz, Loterías y Apuestas del Estado (SELAE) erakundeak akordioa sinatu du Donostia Zinemaldiarekin. Elkarlanari esker, zinema jaialdiak gizarte-gaiei buruzko film laburren lehiaketa hartuko du, hasiera batean, hiru urtez. Mezu positibo eta itxaropentsuak zabaltzeko ikus-entzunezko bitartekoak erabiltzea du egitasmoak helburu, eta mezuok aberastasuna birbanatzea, desparekotasunak ezabatzea eta gizarte-justizia sustatuko dituzte. Lehiaketan parte hartzeko interesa dutenek ekainaren 17ra
Nola komunikatu zure proiektua. Komunikazio estrategia eraiki formakuntza saioan inskribatzeko epemuga. Kultur-proiektu bakoitzerako komunikazio modu egokienak aztertu eta nola aplikatzean oinarrituko da, informazioa alderdi interesdun guztiei modu eraginkorrean iristeko moduan lantzen ikasteko.
Apirilaren 21era bitarte egongo da zabalik KIMUAK programaren 2024ko ediziora film laburrak aurkezteko deialdia. Nobedade gisa, izen-ematea aurkeztu berri duten web plataforma bidez gauzatu beharko da: www.kimuak.basqueaudiovisual.eus.
Talentuaren Gunea egitasmoaren baitan proiektuak aurkezteko deialdiaren epemuga. Ahots eta narratiba berriei zuzenduriko topagunearen edizio berria datorren apirilaren 16an egingo dute, Bilboko Azkuna Zentroan.
Talentuaren Gunea ahots eta narratiba berriei zuzenduriko topagunearen edizio berri bat egingo dute datorren apirilaren 16an, Bilboko Azkuna Zentroan. Hilaren 5a bitartean aurkeztu ahalko dira proiektuak.
Gidoien idazketarako lantegiaren izen-ematearen epemuga. Film luzeen eta dokumentalen proiektuen gidoiak idaztera bideratutako lantegia egingo dute apirilaren 10etik 12ra bitartean Tabakaleran, Blanca Escoda profesionalaren zuzendaritzapean. Proiektuak martxoaren 21a baino lehenago aurkeztu behar dira Europa Creativa Desk MEDIA Euskadi bulegoko posta elektronikoan (a.gonzalez@europacreativaeuskadi.eu).
Donostia Zinemaldiaren artxibo beka-deialdira proiektuak aurkezteko epemuga. Hautagaiak ebaluatzeko eta hautatzeko ardura duen batzordea Donostia Zinemaldiko eta Elías Querejeta Zine Eskolako profesionalek osatuko dute, eta maiatzean ezagutaraziko dituzte hautatuak. Egonaldia uztailaren 8tik 19ra egingo da.
Kultura Eskola programa: prestakuntza saioaren parte-hartze deialdia. Kultura Eskola katalogoan bildutako jarduerak hezkuntza kurrikulum berrira nola egokitu landuko duen bi orduko prestakuntza saioa antolatu du GFAk Donostiako Berritzegunearekin lankidetzan. Aurrez aurre edota streaming bidez jarraitzeko aukera izango da, bata zein beste, martxoaren 13a baino lehen kulturaeskola@gipuzkoa.eus helbidera mezu bat bidalita baieztatuz.
