‘Eraldaketa Teknologikorako Espainiako Sozietatea: ikus-entzunezko industria sustatzeko finantzaketa- eta inbertsio-tresna berriak’ izeneko jardunaldia antolatu dute BDCC-k, LKS Next-ek, GAIAk, SETTek eta EPE-IBAIAk lankidetzan. Maiatzaren 28an egingo dute saioa, Bilboko Bizkaia Aretoan.
Ekoizleek ekainaren 27ra bitartean aurkeztu ahal izango dituzte proiektuak XXI. Lau Haizetara – Dokumentalen Koprodukzio Foroaren deialdira. Donostia Zinemaldiaren 73. edizioaren baitan, irailaren 22tik 24ra, ospatuko da hitzordua.
EPE – IBAIA Elkarteak eta EGEDA – Eskubideak Kudeatzeko Erakundeak Ikus-entzunezko produkzioaren zerbitzurako erremintak izeneko jardunaldia eskainiko dute datorren martxoaren 12an, EITBrekin elkarlanean. Martxoaren 7an, ostiralean, itxiko dute izen-ematea.
Zinema Zubiak programaren esparruan, euskal lurraldeetako ekoizleen presentzia errazteko helburua duen lankidetza-akordioa sinatu dute Miarritzeko FIPADOC PRO industria atalaren arduradunekin. Honi esker, topaketa andana egingo dituzte jaialdiak irauten duen egunetan.
EITBk eta ikus-entzunezko euskal ekoizleen elkarteek lankidetza hitzarmena eguneratu dute, elkarren arteko harremana sendotzen ari denaren erakusle. Euskarazko ikus-entzunezko ekoizpena hauspotze aldera, sinaturiko akordioak ikus-entzunezko produkzio-serieak hartuko ditu bere gain.
Euskarazko ikus-entzunezko ekoizpena bultzatzeko asmoz sortutako harremana sendotzea izan dute xede, besteak beste, komunikazio talde publikoak eta euskal ekoizleen bi elkarteek.
Industriaren garapenari eskainitako Zinebi Networking jardueraren baitan, “Euskal ikus-entzunezkoen industriaren oraina eta etorkizuna” jardunaldia ospatuko du gaur EPE-IBAIA elkarteak. Azkuna Zentroko Bastida aretoan egingo dute, 10:00etatik 13:30era.
Zuzendaritza Batzordeak urriaren 22an Donostian egindako bileran horrela erabakita, Iker Ganuza (Lamia Producciones) izango da EPE-IBAIA elkartearen presidente berria. Izendapenak eman dio amaiera euskal ekoiztetxeen elkarteek apirilean abiaturiko fusio-prozesuari.
Irailaren 20an, Donostian egindako Ezohiko Batzar Orokorrean, hautatu dituzte EPE-IBAIAko kideek datozen lau urtetan Zuzendaritza Batzordea osatuko duten ordezkariak. IBAIA eta EPE/APV elkarteen artean gauzatutako bat egitearen ondoren eman beharreko azken urratsa zuten honakoa.
Hitzarmen berriari esker, Donostia Zinemaldiko Lau Haizetara Dokumentalen Koprodukzio Foroan musika-gaiei buruzko aholkularitza eta mentoretza jasoko dute proiektu parte-hartzaileek, eta 2.000 euroko sari bat emango da.
