Jaione Camborda donostiarra, iazko Urrezko Maskorraren irabazlea, izango da Epaimahai Ofizialeko epaimahaiburua, eta honako hauek izango ditu lagun eztabaidetan: Leila Guerriero, Fran Kranz, Christos Nikou, Carole Scotta eta Ulrich Seidl. Horiekin batera, aurkeztu dituzte gainerako sailak ebatziko dituzten profesionalak.
Diziplina anitzeko 21 kidez osatuta egongo da epaimahaia. Hautagaitzak aurkeztu nahi dituzten erakunde edo pertsona interesatuek ekainaren 15era arte dute proposamenak bidaltzeko aukera.
Ruth Somalo zinemagile eta komisarioa, Jorge Villacorta arte kritikaria eta Ainara Elgoibar artista bizkaitarra arduratuko dira 2024ko jaialdiko sari nagusia, film labur onena eta zuzendari onena izendatzeaz.
Film laburren nazioarteko lehiaketa ofizialean eta ZIFF opera primen atalean erakutsiko dituzten lanak ikusi eta baloratzeaz arduratuko diren profesionalak nortzuk izango diren ezagutarazi du festibal bilbotarrak. Guztira, 50.000 euro baino gehiago banatuko dituzte 2023ko edizioan.
Sail ofizialean parte hartuko duten 21 film laburrak ikusi ostean, hilaren 14an egingo duten sari-banaketa ekitaldian ezagutaraziko dituzte 2023ko lan irabazleak.
Ramon Agirre Lasarte aktorea, Alaitz Arenzana Letamendi Zinegoak jaialdiko zuzendari artistikoa eta Nerea Alberdi musika konposatzailea arduratuko dira Lehiaketa saileko filmak ikusi eta baloratzeaz.
Andoni Imaz kazetariak, Nagore Eceiza zinemagileak eta Kepa Errasti aktore eta gidoilariak osatuko dute 2023ko ekitaldiko epaimahai ofiziala. Bestalde, Mundukide kooperatibak, Mondragon Unibertsitateko ikasle talde batek, eta ikus-entzule nagusienek ere izango dute film laburrak nabarmentzeko aukera.
Mendia, abentura, muturreko kirola eta natura zinemarekin uztartuko ditu, beste behin, BBK Mendi Film Bilbao-Bizkaia jaialdiak, abenduaren 9tik 18ra bitartean. Zinemaren nazioarteko epizentroa bilakatuko da Bilbo, eta 14 herrialdetako 59 film pantailaratuko dituzte. Tartean, Euskal Herrian ekoiztutako edota zuzendari euskaldunak dituzten 10 lan erakutsiko dituzte.
Santurtzine – Santurtziko Zine Jaialdiak hamarkada beteko du aurten, eta ospatzeko, keinu berezia egingo diote festibalaren historiari eta parte-hartzaileei. Festibal sozial, parte-hartzaile eta horizontalaren 10. edizioa urriaren 6tik 22ra bitartean egingo dute, eta hilabete eskas falta bada ere, dagoeneko kartel ofiziala eta ikusgai izango diren hainbat lan aurreratu dituzte.
Begoña del Testok, José Luis Rebordinosek eta Josemi Beltranek izango dute abenduaren 8tik 10era bitartean ospatuko den musika film laburren jaialdiko lan onenak erabakitzeko eskumena. Ikus-entzuleek ere gustukoen duten lana bozkatzeko aukera izango dute.
