Aurten aurrenekoz, Araba, Bizkaia eta Gipuzkoako proiektuez gain, espainiar estatuko ekoizpenek ere izan dute deialdian parte hartzeko aukera. Bateko zein besteko izan, 10.000 euro izango dituzte ordainsari.
Bagera Elkartearen Zineforumaren baitan, Ainhoa Urgoitia eta Enrique Reyk zuzendutako Norberaren Gela (2021) dokumentala emango dute martxoaren 23an. Eulalia Abaituaren argazki batean oinarrituta, zenbait argazkilarik proiektu propio bat egiteko jaso zuten enkargua izango du oinarri filmak. Saioa Donostiako Lugaritz Kultur Etxean izango da, 18:30ean.
Arabako Argazkilari Elkarteak antolatuta, Norberaren gela/Una habitación propia (2021) dokumentala pantailaratuko dute hilaren 11n Artium Museoan. Emakumeen Nazioarteko Egunaren inguruan prestatutako programaren parte da emanaldia.
Eulalia Abaitua argazkigintzan aitzindari izandako bizkaitarraren inguruan ardaztutako Norberaren gela dokumentala osatu dute Ainhoa Urgoitiak eta Enrique Reyk, eta irailaren 29tik urriaren 10era egingo duten 30. Festival de Cine de Madrid jaialdian estreinatuko dute. XIX-XX. mendeetan bizi izandako sortzailearen eta egungo hainbat euskal argazkilariren arteko elkarrizketa da.
Landa eremuko emakumeei aitortza egiten dien Barraskiloentzat iganderik ez labur dokumentala osatu du Ainhoa Urgoitia eta Enrique Rey biko emankorrak, eta bihar, ekainak 3, abiatuko den Malagako Zinema Jaialdiaren 24. edizioan eskaintzeko aukeratua izan da, Emakumeen Eskubideak Mahaigaineratzen sailean. Egunotan, halaber, Madrilgo Other Shorts Film Festival jaialdian estreinatu dute.
Eulalia Abaitua argazkigintzan aitzindari izandako bizkaitarraren inguruan ardaztutako Norberaren gela dokumentala osatu dute Ainhoa Urgoitiak eta Enrique Reyk. XIX-XX. mendeetan bizi izandako sortzailearen eta egungo hainbat euskal argazkilariren arteko elkarrizketa sortu nahi izan dute, biopic-etik aldenduz, eta ikus-entzunezkoa ekainean estreinatzea da asmoa.
Bertako zinemagileen dokumental eta film laburrak ezagutu eta zabaltzeko konpromisoari eusten dio ZINEBI Bilboko Dokumentalen eta Film Laburren Nazioarteko Jaialdiak, eta aurten 30 izango dira, orotara, festibalean ikusgai izango diren euskal zigiludun proiektuak. Bertoko Begiradak atalak, beraz, 22 film labur eta zortzi dokumental luze eskainiko ditu azaroaren 13tik 20ra luzatuko den 62. ekitaldian.
Bizkaian jarduten duten Endika Basaguren artistaren, eta Hemen eta Sra. Polaroiska artista-kolektiboen egunerokoa eta sorkuntza-prozesua jarraitzen ditu Ainhoa Urgoitiak eta Enrique Reyk gidatutako Margolan bat oparitzen didazu? dokumentalak. Asteburuan Madrilgo Nazioarteko Zinema Jaialdiko sail ofizialean eta Directed by Women jaialdian eskainiko dute.
