Hemeretzi izango dira 43. Euskal Zine Bileran lehiatuko diren laburrak, iaz bezala, kategoria profesionala eta amateurra bereizi gabe. Tartean dira Ander Iriarteren Emarri, Ekain Albiteren Haizearen egia eta Maria Elorza eta Koldo Almandozen Quebrantos proiektu interesgarriak. Hilaren 23an, 24an, 25ean eta 26an egingo dituzte emanaldiak online, eta 29an palmaresaren proiekzioa.