Zinemaldiaren Laguntzaile Ofiziala eta Haur Zinema sailaren babesleak den Amenabar enpresak babestuko du aurten irailaren 26an (68. edizioa amaitu baino ordu batzuk lehenago) programatuko duten emanaldi sorpresa. Proiekzioa 15:45etan gauzatuko da, Victoria Eugenia Antzokian, eta egun batzuk lehenago iragarriko dute film hautatua.
Datorren larunbaterako, irailak 28, emanaldi sorpresa iragarri zuten Donostia Zinemaldiko arduradunek. Filma Victoria Eugenia Antzokian, arratsaldeko 18:00etan, eskainiko zutela aurreratu zuten, izenbururik aipatu gabe. Baina gaur bertan eman dute aditzera Venezian Urrezko Lehoia irabazi berri duen Joker (Todd Phillips) eskainiko dutela, eta Donostian ez ezik, Madrilen, Bartzelonan, Valentzian, Zaragozan eta Sevillan ere emango dutela egun eta ordu berean.
