Bikote eta botere harremanak aztertuko ditu zinemagile lasartearrak euskaraz eta gaztelaniaz errodatutako eta Atekaleun ekoiztetxeak babestutako lanak. Emakumeen Nazioarteko Egunean estreinatuko du Cineteca espazioan, eta hurrengo egunetan ere pantailaratuko dute.
Emakumeen Nazioarteko Egunarekin lotuta, 27 urte bete berri dituen Zumaiako Ostarrena zineklubak egitarau berezia atondu du. La vida era eso (David Martin de los Santos, 2021) filma eskainiko dute gaur, 19:00etan, Aita Mari zineman.
Arabako Argazkilari Elkarteak antolatuta, Norberaren gela/Una habitación propia (2021) dokumentala pantailaratuko dute hilaren 11n Artium Museoan. Emakumeen Nazioarteko Egunaren inguruan prestatutako programaren parte da emanaldia.
Isabel Lamberti, Amy Seimetz eta Sofia Coppola zinemagileen lanekin osatu du Errenteriako Ozzinema zineklubak martxoko programazioa. Lehen saioa gaur bertan, martxoaren 4an, egingo dute, eta La última primera (2020) izango da ikusgai Niessen zinemetan 19:00etan, Donostia Zinemaldiko iragan edizioan Zuzendari Berriak saileko garaikurra erdietsi zuen proposamena.
