Julen Zubiete zinemagile orozkoarraren Agur Artzai filmak eskuratu du Lekeitioko Euskal Zine Bileraren sari nagusia den Urrezko Antzarra. Larunbat arratsaldean ospatutako sari banaketa ekitaldian eman dira ezagutzera 46. edizioko palmaresean saritutako lanak.
Ondare kulturala ezagutarazteko film labur dokumentalak jarri ditu lehian, aurrenekoz, Ondarebizia egitasmoak. Ane Zulaika Aranbururen lana nabarmendu du epaimahaiak, eta Oier Fuentes Mendizabalen Azken saskia-k lortu du bigarren saria.
Elías Querejeta Zine Eskolako lehen hiru promozioetako Artxiboa, Komisariotza eta Sorkuntza alorretako ikasleek Gipuzkoarekin zuzenean lotutako askotariko proiektuak aurkeztu dituzte gaur, Donostian egin duten agerraldian. Filmak, argitalpen akademikoak edo artistikoak, hainbat gairi buruzko ikerketak eta filmen programazioak eta zikloak, edo zinema ekoizpeneko eta banaketako enpresak dira landu dituzten proiektuak.
