ZINE KONTARI euskaraz idatzi eta egindako zinemagintzari eskainitako zikloa bueltan da. Euskal Herriko Gidoigile Profesionalen Elkarteak SGAE Fundazioaren lankidetzarekin bultzatutako jaialdia da, eta abenduaren 15etik 16ra bitartean egingo dute seigarren ekitaldia, Bilboko Campos Eliseos Antzokiko Kupula Aretoan.
Elkano. Lehen mundu bira (2019) filma proiektatuko dute gaur, osteguna, 19:00etatik aurrera, Donostiako San Telmo Museoan. Sebastian Elkano marinel getariarrak XVI. mendean munduari eman zion itzulia du hizpide, haurrei eskainitako animazio formatuan.
EiTBk, Topaguneak eta TOKIKOMek Euskaraldiak martxan duen ‘Etxealditik Euskaraldira’ ekimenean modu bateratuan parte hartzea adostu dute. Aurretik sinatuta duten lankidetza hitzarmena oinarri, ‘Elkano: lehen mundu bira’ (2019) eta ‘Gartxot, Konkista Aitzineko Konkista’ (2011) filmak emango dituzte gaur, apirilak 29, euskarazko aisialdiko produktuen kontsumoa bultzatzen laguntzeko.
Urtarrilaren 25ean banatuko dituzte 2020ko Goya sariak eta dagoeneko Espainiako Zinemaren Akademiak aditzera eman du kategoria bakoitzeko hautagaien behin betiko zerrenda. Ekoizpen guztien buru Alejandro Amenabarren Mientras dure la guerra (hamazazpi hautagaitza), Pedro Almodobarren Dolor y gloria (hamasei hautagaitza) eta Aitor Aguirre, Jon Garaño eta Jose Mari Goneagak zuzendutako La trinchera infinita (hamabost hautagaitza) ageri dira.
Goya sarien 34. edizioaren prestaketa-lanetan hasia da jada Espainiako Zinemaren Akademia, eta kategoria bakoitzeko hautagaien zerrenda zabala aurkeztu berri du, 146 film, orotara. Horien artean, gurean sortutako hogei proiektu inguru ageri dira uneotan, hala nola, euskaraz ekoitzitako eta Donostia Zinemalditik (iaz zein aurten) igarotako Agur Etxebeste! (Telmo Esnal eta Asier Altuna), Soinujolearen semea (Fernando Bernues) eta Margolaria (Oier Aranzabal).
Protagonisten ibilbideari jarraituz, atzerrirako bigarren abentura handia abiatuko du Elkanoren fragatak. Beste herrialdeetako ikusleak lortzeko xedearekin, Polonia, Portugal, Errusia eta Vietnameko zinema aretoetan emango dio hasiera bere nazioarteko ibilbideari Angel Alonso zuzendariaren Elkano, lehen mundu bira filmak.
