Gipuzkoako Foru Aldundiaren Kultura, Lankidetza, Gazteria eta Kirol Departamentuak lurraldean egindako ikus-entzunezko proiektuak ekoizteko eta hedatzeko diru-laguntzen ebazpena kaleratu du gaur, azaroak 24, Gipuzkoako Aldizkari Ofizialean. Deialdiaren helburua 60 minututik gorako ikus-entzunezko proiektuak diruz babestea da.
Donostia Zinemaldiak eta IBAIA Ikus-entzunezkoen Euskal Ekoizle Burujabeen Elkarteak Lau Haizetara Koprodukzio Foroa antolatzen dute urtero jaialdiko industria atalean. Koprodukzioa bilatzen duten dokumental proiektuak aurkezteko gunea da foroa, eta foroaren baitan bi sari banatzen dituzte. Bada horietako bat jaso du Ander Iriarte oiartzuarraren El sonido del crack dokumentalak.
65. Donostia Zinemaldiko Zurriolako Butaka programaren azken-aurreko saioa. Lehen gonbidatuak Ander Iriarte zuzendari eta ekoizlea, eta Joseba Errekalde Sebastiane sariaren antolaketa taldeko kidea izan dira. Lehenak Lau Haizetara Koprodukzio Foroaren saria irabazi du El sonido del crack dokumental proiektuagatik, aurten aurrenekoz banatu duten diru-saria. Errekartek aurreratu bezala, aldiz, aurtengo Sebastiane saria 120 battements par minute (Robin Campillo) film frantziarrarentzat izan da (1:28 minututik aurrera). Segidan, kritikarien solasaldian, Angel Aldarondo
