Koronabirusaren krisiak eraginda, programaren hamargarren urteurrenaren harira Argentinako euskal etxeetan egitekoak ziren emanaldiak online formatura egokitu ditu Euskal Zinema Ibiltariak. Gaur egingo dute maiatzeko lehen saioa 20:00etan (Euskal Herriko 01:00etan), eta Jon Garañoren Tercero B (2002) film laburra izango dute hizpide Euskaltzaleak taldearen Facebook atarian. Hamargarren edizioa ospatzeko, gainera, Esteban Pecoitzek diseinatutako logo berria aurkeztu dute.