Sendoa Cardoso errealizatzaile eta argazki zuzendari bilbotarrak Solo film laburra aurkeztu du. Eneko Sagardoy aktore durangarra da protagonista eta isolamenduak gizakiongan duen eraginari buruz hausnartuko du lanak. Sortzailek bere webgunean eta sare sozialetan jarri du ekoizpena ikusgai.
Martxoaren 29tik 31ra egin zuten 10. HUHEZINEMA jaialdiak amaiera ezin hobea eman zion urteurren bereziari ostiralean egin zuten sari-banaketa ekitaldi zirraragarriarekin. Sail Ofizialeko Vertigo saria Sendoa Cardosoren El Divino lanarentzat izan zen, eta ikusleen saria Maite Bidarte eta Koldo Gartziaren Karta Astrala laburrak jaso zuen. Aldiz, Goeina saria Ageda Kopla Taldearen Beti bezperako koplak animazioak eskuratu zuen.
Mondragon Unibertsitateko HUHEZI fakultateko ikasleek antolatzen duten HUHEZINEMA film laburren jaialdiak hamargarren urteurrena ospatuko du aurtengoan, eta zifra borobilarekin jarraituz, hamar izango dira jaialdiko Sail Ofizialean aurkeztuko dituzten lanak ere. Parte-hartzea oso zabala izan dela azpimarratu dute antolatzaileek, eta horregatik, beste hamahiru lan eskainiko dituzte lehiaketaz kanpo.
