Euskaraz, Euskal Herrian edota euskal zuzendariek errodatutako filmak biltzen dituen zerrenda bat osatu dugu oraingoan. 2015eko bigarren sehilekoan (edo pixka bat beranduago) ikusi ahal izango ditugun film luze eta dokumentalak jaso ditugu bertan; denak ez dira ageri, baina ahal beste ekartzen ahalgindu gara. Has gaitezen!
Martxoan zehar Kanariar Uharteetan errodatu ostean, Helena Taberna eta El contenido del silencio filmeko lantaldea Zarautzen da egunotan. Herriko udaletxea komisaldegi bilakatu dute filmeko lehen eszenak errodatzeko. Lucía Etxebarriaren eleberri homonimoan oinarrituta dago filma.
Helena Taberna zinegile nafarra Kanariar Uharteetan da egunotan El contenido del silencio izeneko bere film berria errodatzen. Daniel Grao, Goya Toledo, Juana Acosta eta Joxean Bengoetxea aktoreek, besteak beste, hartuko dute parte izen bereko Lucía Etxebarríaren eleberria oinarri duen thrillerrean.
