Donostiako Kresala Zineklubak “pentsarazi, negar egin eta maitemindu nahi gaituzten” filmak eskainiko ditu datozen astearteetan. Ohi bezala, 19:30ean, Trueba aretoan izango dira emanaldiak, eta ZINEAn horietara bertaratzeko sarrera bikoitzak zozkatuko ditugu.
My way out (Izaskun Arandia) | Dokumentala | Transexualitatea | The Way Out klub ospetsuak 25. urteurrena ospatu zuen 2018an. Efemeride horren karietara, dokumentalak Londresko trans agertokiaren azken hiru hamarkadak errepasatzen ditu eta, elkarrizketa eta artxiboko grabazioen bidez, klubak komunitate transean izan duen eragina erakutsi ere. 2020ko martxoan, covid-19ak eragindako mundu-mailako pandemiaren ondorioz, klubak bere ateak itxi zituen lehen aldiz. Zer-nolako etorkizuna izango ote du leku
