Donostia Kulturak 2024-2025 ikasturterako atondu dituen ikastaroen eskaintza aurkeztu berri du: 562 formakuntza desberdin, gehienak, helduentzat (534), eta eskaintzaren ia erdia euskaraz. Ikus-entzunezkoak eta zinemagintza oinarri dutenak tarteko.
Kudeaketa-, produkzio- eta komunikazio-lanak egingo dituen koordinatzaile lanpostua betetzeko hautaketa-prozesua abiatu du Euskal Gidoigileen Elkarteak. Uztailaren 15era bitartean jasoko dituzte CVak.
EAEko hiriburuan ikus-entzunezko proiektuak garatu eta ekoizteko zein gidoiak idazteko laguntzak emateko udal programaren deialdi publikoaren eta oinarri arautzaileen berri eman du Gasteizko Udalak. Ekainaren 12ra arte aurkez daitezke eskabideak.
Nafarroako Gobernuak, lurraldeko ikus-entzunezko industria bultzatzeko xedea duen 2024ko Generazinema Ekoizpena deialdiaren epea zabaldu du. Eskabideak eta eskatutako agiriak aurkezteko epea 20 egun naturalekoa izango da, ekainaren 12ra bitartekoa.
Eusko Jaurlaritzak 2024ko ekitaldian ikus-entzunezko produkziorako dirulaguntzak emateko deialdia argitaratu du. 7.280.000€ banatuko dira, film luzeak, film laburrak eta serieak ekoizteko, aurreko ekitaldian baino 4,8 milioi euro gehiago.
Hainbat dirulaguntza lerro onartu berri ditu Eusko Jaurlaritzak, tartean, ikus-entzunezko ekoizpena sustatzeko dirulaguntzen deialdia, film luzeak, film laburrak eta serieak barne biltzen dituena. 7.280.000€ banatuko dira, aurreko ekitaldian baino 4,8 milioi euro gehiago.
Apika Audiovisual Project LAB deialdiaren 2024ko edizioaren berri eman du APIKA – Ikusentzunezko Produktoreen Elkarteak. Gidoiaren idazketan, proiektuaren ekoizpenean edota haren iraunkortasunean aholkularitza eta proiektuak saltzeko dokumentuak egiteko laguntza behar duten ekoizleei zuzendutako mentoretza eskainiko dituzte haren bidez.
Bilboko Udalak euskarazko film labur bat ekoizteko proiekturik onena sarituko du, FANT – Bilboko Zinemaldi Fantastikoaren 30. urteurrenaren karietara sustaturiko deialdi berri baten baitan. Sariak euskarazko fantasiazko generoko film laburren ekoizpena babestea du helburu, 5.000€ko ordainsariaren bidez.
Gipuzkoako Foru Aldundiko Kultura Departamentuaren LANABESAK laguntzaren ebazpena argitaratu du Gipuzkoako Agiri Ofizialak. Hamaika ikus-entzunezko proiektuk jasoko dute ekoizpenerako zein hedapenerako diru-babesa.
Eusko Jaurlaritzak 2023ko ekitaldian ikus-entzunezko produkziorako dirulaguntzak emateko deialdia egin eta arautzen duen agindua kaleratu du jada. Deialdi honetan ezarritako laguntzen gehieneko zenbatekoa, guztira, 2.430.000 euro da.
