Gabon garaian zinema euskaraz gozatzeko aukera eskainiko du beste behin Zinegabonak programak. Abenduaren 26tik 31ra indartuta itzuliko da aurtengo edizioa, izan ere, sei zinema-aretotan hamahiru saio eta bi tailer antolatuko ditu Zineuskadi elkarteak EZAErekin eta EITBrekin elkarlanean, Zinema Euskaraz programaren bitartez.
Azaroaren 25ean, Euskadi Irratiak Patxo Telleriak zuzendutako Igelak filmari buruzko saio berezia eskainiko du, eta aurrestreinaldia, EITB-ren Bilboko egoitzako Multibox aretoan izango da goizeko 10:30ean. Zinema aretoetara, berriz, abenduaren 2an helduko da. Aurkezpenean gertatzen den guztiaren berri emango du ‘Faktoria’ saioko Manu Etxezortuk, 10:00etatik 13:00etara. Gainera, Multibox aretoaren atarian set berezi bat jarriko dute, eta bertan, filmeko hainbat protagonista bilduko dituzte: Patxo Telleria zuzendaria, ekoizleak,
