Euskal Telebistak 22:30ean emango du Frantziako Tourra Euskal Herritik abiatuko dela aprobetxatuz lasterketari buruz prestatu duen ikus-entzunezkoa; eitb.eus-en ere egongo da ikusgai. Ander Izagirre kazetari eta idazleak gidatuko du, eta hiru asteko lehia garrantzitsuenean parte hartu izan duten txirrindulariei egindako elkarrizketak jasoko ditu.
David Perez Sañudo bilbotarraren film arrakastatsuaren estreinaldia hartuko du gaur gauean, 22:30etik aurrera, Euskal Telebistaren euskarazko kateak. Kritika eta publikoaren harrera bikaina izan zuen pelikulak eta, besteak beste, Donostia Zinemaldian eta Espainiar Akademiaren Goya sarietan aintzatetsi dute.
KIMUAK katalogoaren parte izandako hainbat lan eskainiko ditu gaur Eusko Telebistak. 22:30tik aurrera izango dira ikusgai, ETB1en eta eitb.eus-en.
PIKUAK webseriea igande gauerditik aurrera dago ikusgai eitb.eus atarian. 2DEO – Euskarazko Ikus-entzunezkoen Laborategiaren laguntzarekin sustatutako proiektua da, eta Donostian bizi diren hiru neska gazteren eguneroko gorabeherak kontatzen ditu.
Koldo Almandozek 2018an aurkeztutako Oreina filma proiektatuko dute gaur gauean, 22:30etik aurrera, ETB1en eta eitb.eus-en. Hiria, industria-giroa eta natura elkartzen dituen hiri-periferia bateko hainbat pertsonaiaren istorioak jasoko ditu.
