Eiken-Basque Audivisual Euskadiko ikus-entzunezkoen klusterrak gazte sortzaileentzako ikus-entzunezko lehiaketaren edizio berria jarri du abian, EikenTALENT izenekoa, talentu berriei Euskal Herrian geratzeko aukera eman asmoz.
Etxepare Euskal Institutuak eta Eiken ikus-entzunezkoek klusterrak Basque Audiovisual standa jarriko dute Canneseko MIPTV jaialdian, La Rochelleko Sunny Side of the Doc festibalean, eta Canneseko MIPCOM zinemaldian. Ekoizpen etxe bezala joan nahi baduzu, idatzi mezu bat a-aginagaldelopez@etxepare.eus helbidera.
Langune, EIKEN eta IK4 Zentro Teknologikoen Aliantzak IK4 Erakusleiho Teknologikoa izeneko jardunaldia atondu dute datorren otsailaren 13rako. Saioa 10:00etan abiatuko dute, eta 12:00ak bitarte hizkuntzaren eta ikus-entzunezkoen sektorera bideratutako teknologiak ezagutaraziko dituzte Donostiako Vicomtech-IK4 zentroaren instalazioetan.
Eiken klusterrak jakitera eman duenez, MIPTVn, Ikus-entzuneko Eduki eta Eduki Digitalen Nazioarteko Merkatuan izango da aurten ere Basque Audiovisual marka. Euskal Herriko ikus-entzunezko sektore guztia ordezkatzeko jaio da Basque Audiovisual, eta izen horren pean aurkezten dira euskal ekoizpenak nazioartean. Azoka apirilaren 8tik 13ra bitarte egingo da, Cannesen (Frantzia).
