Iragan asteazkenetik ostiralera 'Euskal zinema: Zinemagileen hiru belaunaldi' ikastaroan izan ginen, Donostiako Miramar Jauregian. Euskadiko Filmategiaren ekimenez, eta EHUren udako ikastaroen baitan, euskal zinemagintzaren historiako eta egungo zinema zuzendari, kritikari, industriako profesional, irakasle eta bestelako aditu andana igaro ziren gogotsu, kontatzeko zutena entzuteko irrikaz izena eman zuten ikus-entzuleen aurretik. Joxean Fernandez Euskadiko Filmategiko zuzendariak ostiral arratsaldean, ekimenaren amaieran, esan zuen bezala, balorazio zehatzak egiteko denbora pixka bat igaro behar bada ere, ikastaroak epe laburrera utzitako sentsazioak biltzeko baliatuko dut ondorengo tartea.