Etxe betea egitasmoak emakume zinemagileei zuzendutako Gela bat norberarena egonaldi artistikoaren V. edizioa iragarri berri du. Bi emakume zinegile aukeratuko dira, eta bakoitzak 9 hilabetez izango du ostatua, 5.000 €-ko laguntza ekonomikoa eta mentoria-zerbitzua.
Aurkeztu dute Loraldia Udako Olaren hirugarren edizioa, euskal kulturaren transmisioaren inguruko gazteentzako sormen egonaldia. Parte-hartzaileek hainbat diziplinatan esperimentatzeko aukera izango dute, arloko profesionalen eta erreferenteen eskutik; irudiari dagokionean, Josu Martinez zinemagilea izango dute gidari.
Zinemagile donostiarra fikziozko film luzeak garatzera begira antolatutako ScriptLab programan aritzeko aukeratu dute. Apiriletik azaroa bitartean garatuko da, eta guztira, 23 partaide izango ditu.
Abian da DokLab Navarra formakuntza laborategiaren bigarren edizioa, eta 2024ko Punto de Vista zinema jaialdiaren baitan sortzaileek egin beharko dituzten pitching saioekin bukatuko da. Besteak beste Raul de la Fuente eta Amaia Remirez zinemagile, gidoigile eta ekoizle iruindarrak izango dituzte tutore.
Rencontres sur les Docks zinema jaialdiaren abaroan, Zukugailua elkarteak eta Baionako L´Atalante Zinemak zinemagile berriei zuzenduriko HEMENDIK egonaldiaren hirugarren edizioa egingo dute datozen egunetan. Hiru egunez, 2023ko apirilaren 26tik 28ra, hautagaien proposamenak garatuko dituzte zinemagintzako profesionalen laguntzarekin.
Etxe betea egitasmoak emakume zinemagileei zuzendutako Gela bat norberarena egonaldi artistikoaren edizio berri bat aurkeztu du. Sektoreko profesionalen mentoretzak eta 15.000€ko laguntza jasoko ditu hautatutako proiektuak.
2023ko programara proiektuak aurkezteko epea zabaldu berri dute, irailaren 1era arte. Indarra hartzen ari den talentua eta ikus-entzunezko sorkuntza babesteko eta bultzatzeko xedea du. Sei proiektu hautatuko dituzte, eta sortzaileek zortzi asteko egonaldia egin beharko dute.
Espainiako Estatuko eta Latinoamerikako zinemagile berriei zuzenduta dago programa, eta 20 proiektu aukeratuko dituzte, sortzaileek bi asteko egonaldia egin dezaten. Ostean, sei hilabetez, proiektuok garatu beharko dituzte, 2023ko Punto de Vista jaialdian aurkezteko helburuz. Izen-ematea webgunetik bertatik egin behar da, abuztuaren 20a baino lehen.
Kalakalab laborategiak hiru eguneko egonaldia antolatu du Gasteizen, uztailaren 22tik 24ra bitartekoa. Ricardo Del Condek gidatuko du topaketa, eta pentsamendu kritikoa landuko dute parte hartzaileek Baratza aretoan. Izen-emate epea zabalik da, ekainaren 31ra arte.
Radu Jude zinemagile errumaniarrak lau asteko egonaldia egingo du Elías Querejeta Zine Eskolan, Zinemagileak egoitzan programaren baitan. Donostian da dagoeneko, eta besteak beste, Cea mai fericită fată din lume (2009) eta Babardeală cu bucluc sau porno balamuc (2021) filmak erakutsiko ditu, Tabakaleran.
