Ikusmira Berriak programako egoiliarrei eskainitako saioa egingo dute datorren larunbatean, apirilaren 8an, Donostiako Tabakaleran – Kultura Garaikidearen Nazioarteko Zentroan. Zinemaldia + Plus egitasmoaren baitako emanaldia izango da, eta egoiliarrek beren aurreko lanak aurkeztuko dituzte.
Espainiako Zinema Akademiak aurten bigarrenez ikus-entzunezko sortzaileei eskainitako egonaldi zinematografikoetan parte hartuko duten 20 proiektuak argitu ditu. Aukeratutakoen artean Ion de Sosa donostiarraren Balearic eta Aretxabaletan jaio baina Madrilen bizi den Iker Azkoitiaren Los vigilantes del sueño lanak daude. Batak zein besteak, 2020ko irailetik 2021eko ekaina bitartean beraien proiektuak garatu beharko dituzte.
