Donostiako Udalak beste urtebetez abiatuko duen Gabonak Zuretzat egitasmoak haur eta gazteei zuzendutako film proiekzioak hartuko ditu bere gain. Abenduaren 22tik urtarrilaren 5era bitarte egingo dira emanaldiak, euskaraz, auzo desberdinetako haurtxoko, gazteleku eta kultur etxeetan.
Eskarmentua duten profesional arituengandik ikasi eta jakintza praktikoa partekatzeko egitasmoa aurkeztu du Gipuzkoako Foru Aldundiaren baitako KBulegoak. Diziplina anitzeko profesionalak protagonista izango dituen saioak izango dira, non bere proiektuen inguruko “sukalde kontuak” erakutsiko dituzten.
Memoria lotsagabeak egitasmoaren baitan, Cuir: memoria, identidad y disidencia praktika esperimentalaren 6. edizioan eta UNAMeko (Mexiko) Bergman Katedraren film laburren nazioarteko lehiaketa deialdian hautatutako film laburrak proiektatuko dituzte gaur, 19:00etatik aurrera, Donostiako Tabakaleran.
Ondareari Begira ondare kulturala ezagutarazteko film labur dokumentalen lehiaketaren bigarren ediziorako deialdia zabaldu du Ondarebizia egitasmoak. Azaroaren 23ra bitartean aurkeztu ahalko dira lanak, zehaztu dituzten baldintzak betetzen dituztela ziurtatuta.
Ekimenaren plaza izan diren lau herrietan 2.123 ikusle izan ditu Zinuemak, UEMAk abiatutako zinema-ekimenak. Behin esperientzia pilotuaren datuak aztertuta eta balorazioa eginda, hurrengo urratsak iragarri dituzte eta baita aurrera egiteak suposatzen duen kostua ere.
Etxe betea egitasmoak emakume zinemagileei zuzendutako Gela bat norberarena egonaldi artistikoaren IV. edizioa iragarri berri du. Bi emakume zinegile aukeratuko dira, eta bakoitzak 9 hilabetez izango du ostatua, 5.000 €-ko laguntza ekonomikoa eta mentoria-zerbitzua.
Baluarte Veinte Vente! Zatoz! lelopean, eragilearen hogeigarren urteurrena ospatuko duen programazio berezia gauzatuko da Baluarten, 2023ko uztaila eta azaroa bitartean. Zinema beach egitasmoaren abaroan, film ezagunen proiekzioak egingo dituzte.
Euskal talentu berrien lana sustatzea helburu duen ekimenak gaur, maiatzaren 5a, izango du lehen hitzordua. Tabakaleran egingo dute topaketa, eta 17 proiektu aurkeztuko dituzte Elías Querejeta Zine Eskolako, Nokako, Euskal Herriko Zinema Eskolako, ESCIVIko, UPV/EHUko eta Digipeneko hainbat lagunek.
Hego Euskal Herriko, Galiziako, Asturiaseko eta Kantabriako film laburren katalogoetan hautatutako lanen emanaldiak egingo dituzte Bilbon asteburuan, Corten! egitasmoaren abaroan. Azkuna Zentroa izango da ekimenaren aterpe.
Iragan ostiralean, maiatzaren 24ean, amaitu zen Kimuak egitasmoaren 2019ko deialdira film laburrak aurkezteko epea. Orotara, 65 izan dira izena ematen duten lanak.
