Epe laburrera, zer kezka eta erronka dira nagusi ikus-entzunezkoen munduan? Nora doa sektorea? Zein da Arabak jokatzen duen papera? Benetako aukera al da? Galdera horiek guztiak izango dituzte mintzagai datorren ekainaren 11n, Gasteizko Vital Fundazioa Kulturunean ospatuko den Cine Trends topaketan.
PRIMERAN euskarazko eta euskal edukien streaming plataformak Kazetaritza Digitala saria jasoko du, Euskal Kazetarien Elkarteak eta Kazetarien Euskal Elkargoak banatzen dituen Euskal Kazetaritza Sarien banaketa-ekitaldian. Euskarazko ikus-entzunezko edukien lehen plataforma gisa saritu dute.
Euskal ekoizpena duten filmak, nazioarteko telesailak, kirol, sukaldaritza zein musika saioak, eta haurrentzako edukiak hartuko ditu zerbitzuak, ia denak euskaraz edo euskal azpidatziekin. Guztira, 3.000 atal baino gehiago, doan.
Nazioarteko lau zinemagilek zinema-aretoetarako filmak egiteko praktikaren bidez sortutako instalazio zinematografiko desberdinak daude ikusgai Tabakalerako VIVE LE CINÉMA! erakusketan. Horietan sakontzeko, hainbat eduki zabaldu dituzte sarean ere.
Zinema dokumentaleko imaginarioa eta lan prozesuak aztertzeko elkargunea izango da ‘Lan’, Iruñeko Punto de Vista jaialdiaren atal berria. Topaketak, bilerak, mahai-inguruak eta aurkezpenak izango dira nagusi, hainbat eduki multzotan aurkeztuta.
Espainiar Estatuko Beldurrezko hiru zinemaldik, Donostiako Beldurrezko eta Fantasiazko Zinemaren Asteak, Fancine Málagak eta Molins del Reiko Beldurrezko Zinema Jaialdiak bat egin dute Azaro Mamua izeneko edukien onlineko kanala sortzeko. Film laburrak, hitzaldiak eta beste eduki esklusibo batzuk eskainiko dituzte.
Duela gutxi, zinemaren kontsumo digitalarekin zerikusia duen gertaera tamalgarria jazo zen. Filmstruck plataformak, bere zerbitzua etetzeko erabakia hartu zuen. Filmstruck, Netflix, Amazon edo HBO plataformen negozio-logikan oinarritzen zen, baina bereizgarri garrantzitsuarekin: bere katalogoa autore-zineman eta zinemaren historian gako diren obretan oinarritzen zen, Criterion bilduma entzutetsua barne. https://www.youtube.com/watch?v=wJ4xpKwvI60 Badirudi, zinemaren historia handia osatzen duten filmeek ez dutela leku handirik streaming plataformen errealitatean. Baina ez hori bakarrik,
