Ikus-entzunezko proiektuen garapenean sortzaileei denbora eta baliabideak eskaintzeko helburu duen Ikusmira Berriak egonaldiaren zazpigarren edizioa abian da. Egoiliarrak martxoaren 15etik ari dira beren sorkuntzen gainean lanean, eta apirilaren 25era arte egongo dira Donostiako Tabakaleran, programaren lehen fasean. Ostiralean, apirilak 2, parte hartzaileen hastapeneko laburrak eskaintzeko saioa egingo dute.
Donostia Zinemaldiak, Tabakalera Kultura Garaikidearen Nazioarteko Zentroak eta Elias Querejeta Zine Eskolak elkarlanean antolatzen duten Ikusmira Berriak proiektuak garatzera bideratutako egonaldi-programaren zazpigarren edizioan parte hartuko duten bost proiektuen berri eman dute. Iazko deialdiarekin alderatuta, % 220 hazi da jasotako proiektu kopurua.
Donostia Zinemaldiak 68. edizioko sail ofiziala osatuko duten lau film berri iragarri ditu. Danielle Arbid, Eduardo Crespo, Harry Macqueen eta Julien Templeren azken ekoizpenak Urrezko Maskorraren lehian izango direla jakinarazi dute antolatzaileek, eta Matt Dillon zinegile estatubatuarraren The Grat Fellove lehiaz kanpo programatuko dute. Bost filmak munduko estreinaldiak izango dira.
